52-075/2024

B A R N A - O G Ú T B Ú G V I N G A R M Á L A R Á Ð I Ð
J. H. Schrøtersgøta 7 • FO-100 Tórshavn • Tel: +298 306500 • bumr@bumr.fo
Løgtingið 4. februar 2025
Tinghúsvegur 1-3 Mál: 22/22133-114
100 Tórshavn Viðgjørt: -
Svar
upp á
skrivligan fyrispurning nr. 52-075/2024, eftir § 52a í Tingskipanini, frá Hervør Pálsdóttir,
løgtingskvinnu, settur Djóna Nolsøe Joensen, landsstýrismanni í barna- og
útbúgvingarmálum, um skúlakort til lærlingar.
Fyrispurningurin er soljóðandi:
1. Er landsstýrismaðurin sinnaður at kanna møguleikan at veita lærlingum skúlakort, eins og
lesandi?
2. Hvat hevði tað kostað, um lærlingar fingu skúlakort í sambandi við útbúgving sína?
Svar
Til 1: Eg haldi, at møguleikin fyri at veita lærlingum skúlakort, eins og øðrum lesandi, skal kannast
nærri. Tó vil eitt møguligt skúlakort til lærlingar verða treytað av neyðugari játtan til hetta, sí svar til
spurning 2.
Til 2: Studni hevur gjørt eina meting um, hvat tað hevði kostað, um lærlingar høvdu fingið skúlakort
til sína útbúgving. Hetta er tó ein varlig meting út frá verandi tølum hjá Studna, SSL og
Yrkisdeplinum. Tí skal henda meting takast við tí fyrivarni.
Í alt fingu 3757 næmingar studning í tíðarskeiðinum 01.01.24 – 31.12.24.
Studni hevur eina skipan við Strandferðarskipum Landsins um skúlakort. Sambært SSL er miðal
kostnaðurin fyri hvønn næming fyri skúlakort 6.000 kr. árliga.
Sambært Yrkisdeplinum høvdu 1315 lærlingar lærusáttmála í tíðarskeiðinum 01.01.24 – 31.12.24.
Av hesum høvdu 798 lærlingar bústað uttanfyri Tórshavnar kommunu og Klaksvíkar kommunu, har
til ber at koyra við býarbussunum ókeypis. Taka vit eisini tey frá, sum búgva í somu bygd/býi, har
tey eru í læru, eru 624 lærlingar eftir, sum hava tørv á at ferðast til læruplássið ella skúla. 25,8% av
teimum vóru undir 18 ár. Hesi kunnu í øllum førum hugsast at hava tørv á tænastunum hjá SSL. Tað
svarar til 156 lærlingar. Nøkur av teimum, sum eru yvir 18 ár, kunnu eisini hugsast at brúka
tænasturnar hjá SSL, tí verður tað ein metingarspurningur, hvussu nógv afturat munnu fara at gera
gagn av møguleikanum við skúlakortinum. Um vit brúka omanfyri nevnda útgangsstøðið at útrokna

-- 1 of 2 --

B A R N A - O G Ú T B Ú G V I N G A R M Á L A R Á Ð I Ð
J. H. Schrøtersgøta 7 • FO-100 Tórshavn • Tel: +298 306500 • bumr@bumr.fo
2/2
kostnaðin, vildi skúlakort til dømis til 300 lærlingar í eitt skúlaár kostað 300*6.000 = 1,8 mió kr. um
árið.
Vinarliga
Djóni Nolsøe Joensen
landsstýrismaður

-- 2 of 2 --

Skrivligur fyrispurningur
eftir § 52a í Tingskipanini
Spyrjari: Hervør Pálsdóttir, løgtingskvinna
Svarari: Djóni Nolsøe Joensen, landsstýrismaður í barna- og útbúgvingarmálum
Evni: Skúlakort til lærlingar
Spurningar:
1. Er landsstýrismaðurin sinnaður at kanna møguleikan at veita lærlingum
skúlakort, eins og lesandi?
2. Hvat hevði tað kostað, um lærlingar fingu skúlakort í samband við útbúgving
sína?
Viðmerkingar:
Í dag er tað soleiðis, at lesandi – bæði á miðnámi og hægri lestri – fáa skúlakort fyri at
sleppa aftur og fram frá bústaði til lestrarpláss.
Lærlingar fáa ikki skúlakort, men hava rætt til koyripengar. Tó eru tað nógvir
lærlingar, ið eru undir 18 ár, og tískil hava útreiðslur av flutningi, men ikki møguleika
til endurgjald.
Við eini lærlingaløn kann ferðaflutningur sostatt gerast ein tungur postur.
Hesin spurningurin verður settur fyri at hoyra, hvat tað hevði kostað, um skúlakort
varð latið lærlingum, og fyri at hoyra um landsstýrismaðurin er sinnaður at kanna
hendan møguleikan.
Á Løgtingi, 23. januar 2025
Hervør Pálsdóttir

-- 1 of 1 --