52-052/2024

Dagf. 19. november 2024
HMR j. nr. 24/25814-2
Súsanna Bertholdsen
landsstýriskvinna
Svar
upp á
Fyrispurning nr. 52-052/2024 eftir § 52a í tingskipanini viðvíkjandi afturrindan av
heilsutrygdargjaldi til útisiglarar, frá Jóhan Dahl, løgtingsmanni.
Spurningarnir vóru soljóðandi:
1. Hvat er status við arbeiðinum at broyta lógina um heilsutrygd í sambandi við afturrindan av
heilsutrygdargjaldi til útisiglarar?
2. Nær kann væntast nágreiniliga tíðspunktið, at lógaruppskot verður lagt fyri tingið?
Svar:
Til spurning 1
Lógaruppskotið um afturindan av heilsutrygdargjaldi er sent viðkomandi hoyringspørtum til
hoyringar. Uppskotið sæst eisini á ummælisportalinum.
Freistin at gera viðmerkingar til uppskotið er 12. desember 2024.
Til spurning 2
Tá hoyringarfreistin er úti, verða hoyringarsvarini viðgjørd í Heilsumálaráðnum. Miðað verður
ímóti at leggja lógaruppskotið fyri Løgtingið í januar 2025.
Heilsumálaráðið, 19. november 2024
Súsanna Bertholdsen
landsstýriskvinna

-- 1 of 1 --

Skrivligur fyrispurningur
eftir § 52a í Tingskipanini
Spyrjari: Johan Dahl, løgtingsmaður
Svarari: Margit Stórá, landsstýriskvinna í heilsumálum
Evni: Afturrindan av heilsutrygdargjaldi til útisiglarar
Spurningar:
1. Hvat er status við arbeiðinum at broyta lógina um heilsutrygd í sambandi við
afturrindan av heilsutrygdargjaldi til útisiglarar?
2. Nær kann væntast nágreiniliga tíðspunktið, at lógaruppskot verður lagt fyri tingið?
Viðmerkingar:
Útisiglarar fingu viðhald í bæði kærunevnd, Føroya Rætti og Landsrættinum, og tá ið
Heilsutrygd ætlaði í Hægstarætt við málinum, fekst ikki loyvi til at royna tað har.
Útisiglarar og onnur, sum eru búsitandi í Føroyum, sum eru fevnd av “Nordisk
konvention om social sikring”, og sum rinda fyri heilsutrygdarskipan í øðrum landi,
hava ikki skyldu at rinda heilsutrygdargjald í Føroyum og hava í mong ár av órøttum
goldið til bæði Heilsutrygd og landið, har arbeiðsstaðið er í Norðurlondum.
Landsstýriskvinnan sigur seg arbeiða við at tilevna lógaruppskot, sum gevur heimild
til og ásetir, hvussu heilsutrygdargjaldið, sum er kravt frá omanfyri nevndu
útisiglarum og øðrum, kann rindast aftur. Eftir løglistanum 2024 var ætlanin at leggja
uppskot fyri Løgtingið í oktober 2024.
Tann 13. august 2024 svarar landsstýriskvinnan fylgjandi til undirritaða í einum § 52a
fyrispurningi: ”Ætlanin er at leggja uppskot til løgtingslóg um afturrindan av
heilsutrygdargjaldi fyri Løgtingið í hesari tingsetuni.”
Eitt nú hevur Jacob Vestergaard, løgtingsmaður, eisini eftirlýst einari loysn á hesum
málinum.
Onki lógaruppskot er enn lagt fyri Løgtingið, nú fyrsta hálvan av tingsetuni er við at
vera liðug, og málið blívur við at draga út. Tí verður hesin fyrispurningurin settur.
Á Løgtingi, 7. november 2024
Johan Dahl

-- 1 of 1 --