52-051/2024

Dagf. 15. november 2024
HMR j. nr. 24/25525-4
Súsanna Bertholdsen
landsstýriskvinna
Svar
upp á
Fyrispurning nr. 52-051/2024 eftir § 52 a í tingskipanini viðvíkjandi koppsetingar fyri
skáldkoppar frá Eiriki í Jákupsstovu, løgtingsmanni.
Spurningur:
1. Hvørjar tankar ger landsstýriskvinnan sær um møguleikan at gera koppseting fyri
skáldkoppar til part av koppsetingarætlanini fyri børn í Føroyum?
Svar:
Heilsumálaráðið hevur spurt Sundhedsstyrelsen um ætlan er at koppseting fyri skáldkoppar verður partur av
koppsetingarætlanini fyri børn. Sundhedsstyrelsen hevur svarað, at enn er støða ikki tikin til málið, men tey
fara at viðgera málið á fundi seinni í november.
Heilsumálaráðið fylgir neyvt við, hvat hendir viðvíkjandi tilboðum um koppsetingar, og Heilsumálaráðið fer
somuleiðis at fylgja neyvt við, um tað verður mælt til at koppseta børn fyri skáldkoppar. Verður tilboð um
ókeypis koppseting fyri skáldkoppar sett í verk í Danmark, fara vit at viðgera, um sama tilboð skal setast í
verk í Føroyum.
Heilsumálaráðið, 15. november 2024
Súsanna Bertholdsen
landsstýriskvinna

-- 1 of 1 --

Skrivligur fyrispurningur
eftir § 52a í Tingskipanini
Spyrjari: Eirikur í Jákupsstovu, løgtingsmaður
Svarari: Margit Stórá, landsstýriskvinna í heilsumálum
Evni: Koppsetingar fyri skáldkoppar
Spurningar:
1. Hvørjar tankar ger landsstýriskvinnan sær um møguleikan at gera koppseting
fyri skáldkoppar til part av koppsetingarætlanini fyri børn í Føroyum?
Viðmerkingar:
Í Danmark hava barnalæknar í rúma tíð víst á, at tað hevði verið ein fyrimunur fyri
børnini, um tey sluppu undan at gerast sjúk av skáldkoppum.
Politikarar og onnur hava víst á, at hetta hevði verið ein fyrimunur fyri arbeiðsútboð,
arbeiðsmarknað og annað, um børnini ikki gjørdust sjúk av skáldkoppum, og foreldur
harvið ikki skuldu vera heima við børnunum hesar dagarnar.
Somuleiðis hevur verið víst á, at tað gevur ein sosialan ójavna, at summi sjálvi rinda
fyri koppseting fyri skáldkoppar og tí ikki verða rakt av negativu avleiðingunum av
skáldkoppum.
Á Løgtingi, 5. november 2024
Eirikur í Jákupsstovu

-- 1 of 1 --