52-025/2024

FISKIVINNU- OG SAMFERÐSLUMÁLARÁÐIÐ
M i n i s t r y o f F i s h e r i e s a n d I n f r a s t r u c t u r e
Y v i r i v i ð S t r o n d 1 5 • P . O . B o x 3 4 7 • F O - 1 1 0 T ó r s h a v n • F a r o e I s l a n d s
T e l . ( + 2 9 8 ) 3 5 3 0 3 0 • f i s k @ f i s k . f o • w w w . f i s k . f o
Løgtingið
Tinghúsvegur 1-3
Postboks 208
110 Tórshavn
1. oktober 2024
Mál: 24/20947-2
(at tilskila í svari)
Tygara skriv: 52-025/2024
Svar til skrivligan fyrispurning nr. 52-025/2024 frá Steffan Klein Poulsen,
løgtingsmanni, settur landsstýrismanninum í fiskivinnu- og samferðslumálum,
Dennis Holm, um asfaltering í tunlunum Norður um Fjall
Fyrispurningurin er soljóðandi:
1. Hvussu gongur at asfaltera vegirnar í og uttan fyri nýggju tunlarnar Norður um
Fjall?
2. Hví eru fleiri vegastrekki í hesari verkætlanini asfalterað av nýggjum?
3. Er undirlagið (vegkassin) nóg væl gjørt?
4. Hvat fyri grót (tilfar) er brúkt sum undirlag til vegirnar í hesari verkætlanini?
5. Kann landsstýrismaðurin tryggja borgarunum, at vegirnir eru nóg væl gjørdir, og
at teir fara at halda í eitt nøktandi tíðarskeið, tá ið verkætlanin verður endaliga
avhendað?
Svar til spurning 1 og 2
Vegurin í Ánunum og vegurin í Árnafjarðartunlinum eru asfalteraðir eina ferð við
bindilagi, og ætlanin er, at slitlagið verður lagt á seinni í ár. Asfalteringin er tá liðug á
hesum vegum.
Vegurin í Árnafirði, sum er millum tunlarnar, og vegurin í Hvannasundstunlinum eru
ikki asfalteraðir enn, meðan vegurin millum tunnilsmunnan Hvannasundsmegin og
Depil, skamt frá bygdini, í støðum er asfalteraður eina ferð og annars tvær ferðir.
Arbeiðið hevur sum heild gingið væl. Tó hava trupulleikar verið á ávísum pørtum av
vegnum í Ánunum og á Depilsvegnum, har asfaltið er sprotnað, og undirlendið hevur
givið seg. Hesir partar av vegastrekkinum eru gjørdir av nýggjum. Øll asfaltering
verður eftir ætlan liðug seinni í ár, tá verkætlanin eisini verður endaliga liðug.

-- 1 of 2 --

Fiskivinnu- og samferðslumálaráðið
2/2
Svar til spurning 4
Meginparturin av vegunum er bygdur upp av tunnilstilfari frá verkætlanini, meðan ein
lítil partur er innflutt tilfar.
Svar til spurning 3 og 5
Landsverk metir, at undirlagið er væl gjørt, og at vegurin fer at bera alla ferðslu, tá
hann er liðugur.
Áðrenn tunlarnir Norður um Fjall verða avhendir um ársskiftið, verður øll verkætlanin,
tað vil siga tunnilsgerð, vegagerð og el-arbeiði, endaliga eftirkannað til tess at tryggja,
at verkætlanin lýkur ásett sáttmálakrøv.
Dennis Holm
landsstýrismaður

-- 2 of 2 --

Skrivligur fyrispurningur
eftir § 52a í Tingskipanini
Spyrjari: Steffan Klein Poulsen, løgtingsmaður
Svarari: Dennis Holm, landsstýrismaður í fiskivinnu- og samferðslumálum
Evni: Asfalteringin í tunlunum norður um fjall
Spurningar:
1. Hvussu gongur at asfaltera vegirnar í og uttanfyri nýggju tunlarnar norður um
fjall?
2. Hví eru fleiri vegastrekkir í hesari verkætlanini asfalterað av nýggjum?
3. Er undirlagið (vegkassin) nóg væl gjørt?
4. Hvat fyri grót (tilfar) er brúkt sum undirlag til vegirnar í hesari verkætlanini?
5. Kann landsstýrismaðurin tryggja borgarunum, at vegirnir eru nóg væl gjørdir,
og at teir fara at halda í eitt nøktandi tíðarskeið, tá ið verkætlanin verður
endaliga avhendað?
Viðmerkingar:
Tað hoyrist sera lítið um verkætlanina at gera nýggjar tunlar norður um fjall. Tað í sær
sjálvum kann vera eitt gott tekin.
Tað, sum fleiri tó verða varug við, er, at vegastrekkir bæði inni í og uttanfyri tunnilin
blíva asfalterað av nýggjum. Ábendingar eru um, at undirlagið (vegkassin) ikki er nóg
gott, sum harvið ger, at asfaltið ikki heldur til tungu ferðsluna.
Hetta leiðir tankarnar aftur til eina aðra verkætlan norðan fyri fjall –
Viðareiðistunnilin – har vegirnir inni i Dølum fóru illani eftir stutta tíð orsakað av
vánaligum undirlagi.
Fyrispurningurin er settur fyri at tryggja, at tað sama ikki hendir í nýggju tunlunum
norður um fjall.
Á Løgtingi, 13. september 2024
Steffan Klein Poulsen

-- 1 of 1 --