52-016/2024

FISKIVINNU- OG SAMFERÐSLUMÁLARÁÐIÐ
M i n i s t r y o f F i s h e r i e s a n d I n f r a s t r u c t u r e
Y v i r i v i ð S t r o n d 1 5 • P . O . B o x 3 4 7 • F O - 1 1 0 T ó r s h a v n • F a r o e I s l a n d s
T e l . ( + 2 9 8 ) 3 5 3 0 3 0 • f i s k @ f i s k . f o • w w w . f i s k . f o
Løgtingið
Tinghúsvegur 1-3
Postboks 208
110 Tórshavn
10. septembur 2024
Mál: 23/19953-2
Tygara skriv: 52-016/2024
Svar til skrivligan fyrispurning nr. 52-016/2024 frá Magnus Rasmussen,
løgtingsmanni, settur landsstýrismanninum í fiskivinnu- og samferðslumálum,
Dennis Holm, um Funningsfjarðarvegin.
Fyrispurningurin er soljóðandi:
1. Nær verður farið í holt við framhaldandi vegagerð gjøgnum bygdina í
Funningsfirði?
2. Nær verður arbeiðið liðugt fyri játtanina, sum er til arbeiðið í ár?
Svar:
Í 2019 byrjaði Landsverk arbeiðið við at breiðka vegin frá Millum Fjarða til
Funningsfjørð og er hildið fram við arbeiðinum í 2021, 2022 og 2023. Samanlagt eru
14,2 mió. kr. brúktar til farleiðina hesi árini, og í ár eru 2 mió. kr. játtaðar.
Vegurin liggur rímiliga væl, men er smalur og ikki bygdur til ferðsluna í dag. Ætlanin
við verkætlanini er at gera allan vegin tvíbreytaðan, at avrætta og asfaltera vegin, og
at gera gongubreyt á einum parti av vegastrekkinum.
Nýggjasti arbeiðstøkusáttmálin varð undirskrivaður í juni 2024 og fevnir um eitt strekki
á 300 metrar av Funningsfjarðarvegnum. Arbeiðið er í gongd og verður í gerð árið út.
Dennis Holm
landsstýrismaður

-- 1 of 1 --

Skrivligur fyrispurningur
eftir § 52a í Tingskipanini
Spyrjari: Magnus Rasmussen, løgtingsmaður
Svarari: Dennis Holm, landsstýrismaður í fiskivinnu- og samferðslumálum
Evni: Funningsfjarðarvegurin
Spurningar:
1. Nær verður farið í holt við framhaldandi vegagerð gjøgnum bygdina í Funningsfirði?
2. Nær verður arbeiðið liðugt fyri játtanina, sum er til arbeiðið í ár?
Viðmerkingar:
Í samtyktu fíggjarlógini fyri 2024 eru settar av 2 mió. kr. til framhaldandi vegagerð gjøgnum
bygdina í Funningsfirði.
Gjøgnum fleiri ár er peningur settur av til at dagføra og breiðka hendan vegin. Nú verður skjótt, at
komið verður til avkoyringina til Funningsvegin og so er umleið ein hálvur kilometur eftir til vegin
oman á bryggjuna.
Nú árið er farið at halla og einki sæst til, at nakað er gjørt ella verður gjørt, verður hesin spurningur
settur.
Á Løgtingi, 30. august 2024
Magnus Rasmussen

-- 1 of 1 --