52-128/2023

Dagf. 18. juni 2024
HMR j. nr. 24/14773-4
Margit Stórá
landsstýriskvinna
Svar
upp á
Fyrispurning nr. 52-128/2023 eftir § 52 a í tingskipanini um skanning av prostatasjúklingum,
frá Árna Skaale, løgtingsmanni
Spurningarnir vóru soljóðandi:
1. Hvussu nógv kostar tað at senda 28 sjúklingar til Danmarkar til skanningar fyri prostata?
2. Hvussu nógv hevði tað kostað at gjørt hesar skanningarnar í Føroyum?
3. Eru fyrireikingarnar, í samband við at ein skannari er settur upp á Klaksvíkar sjúkrahúsi,
gjørdar á nøktandi hátt?
4. Hvør er orsøkin til, at hesir 28 sjúklingarnir ikki kunnu skannast í Føroyum?
Svar:
Til spurning 1 og 2
Tað er vert at nevna, at tað í verandi støðu ikki er møguligt at skanna teir 28 sjúklingarnar í Føroyum
(sí svarið til spurning 4). Tí eru tølini niðanfyri sett upp út frá tí fyritreyt, at tað var møguligt at skanna
sjúklingarnar í Føroyum.
Tann metti meirkostnaðurin av at senda 28 sjúklingar uttanlands (um tað bar til at skanna fyri prostata
á Klaksvíkar sjúkrahúsi) er sambært Sjúkrahúsverkinum umleið hesin:
Kostnaðurin fyri 28 sjúklingar til Danmarkar (Aalborg) er: Kr. 229.908
Kostnaðurin fyri 28 sjúklingar til Klaksvíkar er: Kr. 70.308
Munur: Kr. 159.600

-- 1 of 3 --

Tølini byggja á útrokningar frá Kliniska Stápi – Uttanlandstænastuni í Sjúkrahúsverkinum:
Kostnaður Árligur
Tal av pr.
viðgerð
kostnaður
ÁR Viðgerð sjúkl. v/fylgjara v/ fylgjara
2024 MR
skanning
28 Viðgerð (DRG
prísur)*
2.511 70308
Flogferð sjúklingur 4.200 117600
Flutningur annars 1.000 28000
Uppihald sjúklingur 500 14000
8.211 229.908
* DRG stendur fyri “Diagnosis Related Group”. DRG-prísir verða vanliga nýttir til at seta prís á ymiskar veitingar
í sjúkrahúsverkinum.
Talvan omanfyri vísir kostnaðin av at senda sjúklingar til MR-skanning í Aalborg. Hvør skanning
kostar sambært hesum umleið 8.211 kr., íroknað ferðing og uppihald, har gist verður eina nátt á
sjúklingahotelli í Aalborg.
Um 28 sjúklingar verða ávístir til MR-skanning í Aalborg, verður kostnaðurin sostatt góðar 230 tús.
kr., við omanfyrinevndu fortreytum.
Undir vanligum umstøðum hevur sjúklingurin ikki fylgjara við, tá ið ávíst verður til MR-skanning í
Danmark. Fyrivarni skal takast fyri, at tað í einstøkum førum er neyðugt á ávísa fylgjara við. Tá skulu
ferða- og uppihaldsútreiðslur leggjast afturat omanfyrinevnda kostnað.
Kostnaður í Føroyum, um kostnaðurin svarar til DRG-prís:
Viðgerð Tal av
sjúkl.
Kostnaður
pr.
viðgerð
(DKK)
Kostnaður fyri 28 sjúklingar (DKK)
MR
scanning
28 Viðgerð
(DRG-prísur)
2.511 70308
Prísurin á eini MR-skanning av prostata í Føroyum kann gerst dýrari enn ásetti DRG-prísurin,
eftirsum talið av skanningum er lágt, og tað vanliga gerst dýrari at tryggja førleikar v.m. í einum
lítlum sjúkrahúsverki.

-- 2 of 3 --

Til spurning 3 og 4
Sjúkrahúsverkið hevur gjørt eina ætlan fyri íverksetanina og í hesum sambandi eisini eina tíðarætlan.
Ætlanin var klár í byrjanini av 2024, og tað er hendan ætlanin sum verður fylgd.
Ein 3T MR-skannari hevur framkomna tøkni, sum Sjúkrahúsverkið ikki hevur havt áður. Sostatt er
neyðugt at tryggja, at radiografarnir í MR-toyminum fáa upplæring og royndir, og tað verður m.a.
gjørt við at gera kanningar, av so sum heila, liðum og ryggi. Hetta eru kanningar, sum frammanundan
verða gjørdar í Sjúkrahúsverkinum á sonevndum 1,5T MR-skannara.
Prostata kanning er kompleks á ymiskan hátt, sum umframt upplæring og royndir, eisini krevur
førleikamenning av starvsfólki og avtalu við røntgendeild uttanlands, sum m.a. kann tulka tílíkar
myndir. Sambært tíðarætlanini hjá Sjúkrahúsverkinum fyri íverksetanina av MR-toyminum og 3T
MR skannaranum, sum var klár í byrjanini av 2024, verða hesi viðurskifti komin uppá pláss og klárt
er at gera prostata kanningar í september ella oktober í ár.
Heilsumálaráðið, 18. juni 2024
Margit Stórá
landsstýriskvinna

-- 3 of 3 --

Skrivligur fyrispurningur
eftir § 52a í Tingskipanini
Spyrjari: Árni Skaale, løgtingsmaður
Svarari: Margit Stórá, landsstýriskvinna í heilsumálum
Evni: Skanning av prostatasjúklingum
Spurningar:
1. Hvussu nógv kostar tað at senda 28 sjúklingar til Danmarkar til skanningar
fyri prostata?
2. Hvussu nógv hevði tað kostað at gjørt hesar skanningarnar í Føroyum?
3. Eru fyrireikingarnar, í samband við at ein skannari er settur upp á Klaksvíkar
sjúkrahúsi, gjørdar á nøktandi hátt?
4. Hvør er orsøkin til, at hesir 28 sjúklingarnir ikki kunnu skannast í Føroyum?
Viðmerkingar:
Seinastu dagarnar hevur ein søga um 28 sjúklingar, sum ikki sleppa til skanningar í
Føroyum, verið at síggja í miðlunum.
Tað er við stórari undran, at undirritaði hevur fylgt við í hesari miðlasøguni.
Mótstríðandi røddir hava verið frammi um hetta málið, so fyri at fáa ítøkiligar
upplýsingar verða hesir spurningarnir settir.
Á Løgtingi, 7. juni 2024
Árni Skaale

-- 1 of 1 --