52-121/2023

A L M A N N A – O G M E N T A M Á L A R Á Ð I Ð
M I N I S T R Y O F S O C I A L A F F A I R S A N D C U L T U R E
Eirargarður 2 • FO-100 Tórshavn
 (+298) 30 40 00 •  ammr@ammr.fo • www.ammr.fo
Løgtingið 15. mai 2024
Tinghúsvegur 1-3 J.nr: 24/11079-5
110 Tórshavn Tygara skriv:
Viðgjørt:
Nr. 52-121/2023
Svar upp á skrivligan fyrispurning nr. 52/121/2023 eftir
§ 52a í Tingskipanini til Sirið Stenberg, landsstýriskvinnu í almanna og mentamálum,
frá Bárði á Lakjuni, løgtingsmanni, um útvarpshoyrilíkindi á útróðri
Spurningar:
1. Hvussu ber tað til, at tú á útróðri – við somu radioútgerð – hoyrir aðrar føroyskar
útvarpsræsur so nógv betur, enn tú hoyrir Kringvarp Føroya á FM sendinetinum?
2. Eru sendararnir hjá Kringvarpi Føroya staðsettir øðrvísi enn sendararnir hjá privatu
loftmiðlunum? Um ja, so hví?
3. Hava útróðrarmenn, ið hava bátar við vanligari radioútgerð, lógartryggjaðan rætt til at
hoyra útvarpið hjá Kringvarpi Føroya?
Svar:
Til 1. Útvarpshoyrilíkindi á sjónum: Hetta kann skyldast ymiskar fysiskar og tekniskar
umstøður sum t.d. sendistyrki og staðseting av sendarum. Tá ið trupulleikar eru við FM-
dekningi hjá Kringvarpi Føroya (KvF), fær NET, sum umsitur raksturin av sendinetinum hjá
KvF, vanliga kunning um hetta, antin beinleiðis frá lurtarum ella umvegis KvF. NET vil
kanna nærri, hvørji økir talan er um og gera neyðugu tillagingarnar fyri at betra um
hoyrilíkindini.
Til 2. Staðseting av sendarum: Flestu FM-sendararnir hjá KvF vórðu uppsettir í sendistøðum
við mastrum, sum vóru bygdar í 1970-árunum, tá byrjað varð at senda á FM. Privatu rásirnar
hava valt at seta nakrar av sínum sendarum upp á somu sendistøðum, sum upprunaliga vóru
bygdar til KvF. Í øðrum førum hava privatu rásirnar bygt egnar sendistøðir og uppsett
sendarar har.
Til 3. Lógartryggjaður rættur: Sambært § 1, stk. 3 í løgtingslóg um kringvarp, hevur landið
skyldu til at tryggja, at allir borgarar hava møguleika at móttaka sendingar hjá Kringvarpi
Føroya. Leypandi tillagingar verða gjørdar í FM-sendinetinum, so hvørt lurtaraviðurskiftini
broytast. Umframt á FM-sendinetinum verða sendingar hjá KvF sendar á millumbylgju, sum
eisini dekkar sjóøkið, og tær vera stroymdar á alnetinum.

-- 1 of 2 --

A L M A N N A - O G M E N T A M Á L A R Á Ð I Ð
Síða 2 av 2
Tórshavn, 15. mai 2024
Sirið Stenberg
landsstýriskvinna

-- 2 of 2 --

Skrivligur fyrispurningur
eftir § 52a í Tingskipanini
Spyrjari: Bárður á Lakjuni, løgtingsmaður
Svarari: Sirið Stenberg, landsstýriskvinna í almanna- og mentamálum
Evni: Útvarpshoyrilíkindi á útróðri
Spurningar:
1. Hvussu ber tað til, at tú á útróðri – við somu radioútgerð – hoyrir aðrar
føroyskar útvarpsræsur so nógv betur, enn tú hoyrir Kringvarp Føroya á FM
sendinetinum?
2. Eru sendararnir hjá Kringvarpi Føroya staðsettir øðrvísi enn sendararnir hjá
privatu loftmiðlunum? Um ja, so hví?
3. Hava útróðrarmenn, ið hava bátar við vanligari radioútgerð, lógartryggjaðan
rætt til at hoyra útvarpið hjá Kringvarpi Føroya?
Viðmerkingar:
Útróðrarmenn hava gjørt spyrjaran varugan við, at tað ikki ber til at hoyra útvarpið hjá
Kringvarpi Føroya nóg væl, tá tú kemur út um landoddarnar og út á opið hav. Sagt
verður, at hóast radioútgerðin er júst tann sama, so hoyrast aðrar føroyskar ræsur –
m.a. Lindin og Rás2, sum eru privatar og ókeypis ræsur – nógv betur enn KVF, sum
kostar hesum útróðrarmonnum upp í fleiri túsund krónur um árið í kringvarpsgjaldi.
Tað kann undra, um tað er so, at tann rásin, ið man rindar lógarfest kringvarpsgjald
fyri, ikki megnar at senda við eins góðum signali sum tær ræsurnar, ið eru ókeypis at
lurta eftir.
Í løgtingslóg um kringvarp er í § 1, stk. 3 ásett, at landið hevur skyldu til at tryggja, at
allir borgarar hava møguleika at móttaka sendingar hjá Kringvarpi Føroya.
Fyri at fáa greiði á hesum máli, verður hesin fyrispurningur settur.
Á Løgtingi, 2. mai 2024
Bárður á Lakjuni

-- 1 of 1 --