52-118/2023

Dagf. 8. mai 2024
HMR j. nr. 24/10787-4
Margit Stórá
landsstýriskvinna
Svar
upp á
Fyrispurning nr. 52-118/2023 eftir § 52 a í tingskipanini viðvíkjandi enda á fosturtøku, frá
Jenisi av Rana, løgtingsmanni
Spurningurin var soljóðandi:
1. Hvørjar mannagongdir eru á føroysku sjúkrahúsunum fyri fostrinum, frá tí løtu, lívstráðurin
er kvettur, og til aktuella fosturtøkan er endað?
Svar:
Til spurning 1
Sambært Sjúkrahúsverkinum er mannagongdin soleiðis, at tá ið talan er um fosturtøkur áðrenn viku
12 í viðgongutíðini, verða tær vanliga framdar sum medisinskar fosturtøkur. Verður fosturtøkan
framd kirurgiskt, verður vevnaðurin burturbeindur sum ein lívfrøðilig burturbeining.
Vanliga verða fosturtøkur ikki framdar eftir 12. viku í Føroyum, men í teimum førum, har talan er
um seinar fosturtøkur (eftir viku 12 og áðrenn viku 22) hevur kvinnan/parið møguleika sjálvi at
avgera, hvat skal gerast við fostrið. Í tílíkum førum verður vegleiðing givin um hvørjir møguleikar
eru. Sambært Sjúkrahúsverkinum ynskja tey flestu at jarða fostrið í eini grøv hjá einum avvarðandi.
Ynskja tey ikki at hava fostrið við heim, verður fostrið burturbeint sum ein lívfrøðilig burturbeining.
Heilsumálaráðið, 8. mai 2024
Margit Stórá
landsstýriskvinna

-- 1 of 1 --

Skrivligur fyrispurningur
eftir § 52a í Tingskipanini
Spyrjari: Jenis av Rana, løgtingsmaður
Svarari: Margit Stórá, landsstýriskvinna í heilsumálum
Evni: Endin á fosturtøkuni
Spurningar:
1. Hvørjar mannagongdir eru á føroysku sjúkrahúsunum fyri fostrinum, frá tí
løtu, lívstráðurin er kvettur, og til aktuella fosturtøkan er endað?
Viðmerkingar:
Flestu sjúkrahús í grannalondum okkara hava skipaðar mannagongdir fyri, hvat
verður gjørt við tey fostur, sum verða tikin við fosturtøku. Hesar mannagongdir eru
ymiskar eftir aldrinum fostrið hevði, tá fosturtøkan varð framd, men tær eru eisini
ymiskar frá sjúkrahúsi til sjúkrahús.
Dentur tykist verður lagdur á virðiliga viðferð av og virðing og tign fyri deyða
barninum - og fyri ynski foreldranna.
Landsstýriskvinnan verður biðin um at greiða frá, um slíkar mannagongdir eru á
føroysku sjúkrahúsunum, og hvussu hesar eru, um hesar mannagongdir t.d. eru
ymiskar eftir aldrinum hjá fostrinum, og um føroysk foreldur fáa fostur útflýggjaði til
sjálvi at fáa hesi jarðaði, um biðið verður um tað.
Tvey dømi um skipaðar mannagongdir hjá donskum sjúkrahúsum ljóða soleiðis:
1: ”forældrene kan vælge at få det døde foster udleveret og selv sørge for begravelse.
Men det kan være svært for mange forældre, og derfor bliver langt de fleste
aborterede fostre sendt ud af Universitetshospitalet som biologisk affald”.
2: ”Forældrene kan selv vælge, om det aborterede foster skal nedgraves af hospitalet
på en kirkegård, om de selv vil forestå en begravelse eller bisættelse, eller om de
ønsker, at fostret skal bortskaffes som medicinsk affald.
Á Løgtingi, 29. apríl 2024
Jenis av Rana

-- 1 of 1 --