52-113/2023

FISKIVINNU- OG SAMFERÐSLUMÁLARÁÐIÐ
M i n i s t r y o f F i s h e r i e s a n d I n f r a s t r u c t u r e
Y v i r i v i ð S t r o n d 1 5 • P . O . B o x 3 4 7 • F O - 1 1 0 T ó r s h a v n • F a r o e I s l a n d s
T e l . ( + 2 9 8 ) 3 5 3 0 3 0 • f i s k @ f i s k . f o • w w w . f i s k . f o
Løgtingið
Tinghúsvegur 1-3
Postboks 208
110 Tórshavn
29. apríl 2024
Mál: 24/09803-2
Tygara skriv: 52-113/2023
Svar til skrivligan fyrispurning nr. 52-113/2023 frá Eiriki í Jákupsstovu,
løgtingsmanni, settur landsstýrismanninum í fiskivinnu- og samferðslumálum,
Dennis Holm, um kongsvitjan og umraðfestingar
Fyrispurningurin er soljóðandi:
1. Hvørjar umraðfestingar í viðlíkahaldi og íløgum verða gjørdar hjá Landsverki,
orsakað av kongsvitjanini í summar?
Svar:
Í sambandi við fyrireikingar til kongaligar vitjanir í Føroyum kunnar Løgmansskrivstovan
Landsverk um skránna, og hvørjar farleiðir ætlanin er at koyra.
Landsverk metir um farleiðirnar, og um møguligar ábøtur skulu gerast, har ferðast verður á
landsvegum, til dømis at mála strípur á vegir og at asfaltera.
Um arbeiði verða gjørd áðrenn vitjanina, er talan um smærri verkætlanir og ábøtur, sum
sambært Landsverki vanliga ikki hava meirkostnað við sær samanlagt, tí tillagingar verða
gjørdar innan verandi játtanir, har arbeiði, sum longu eru á skrá, kunnu verða framskundað
til at verða gjørd áðrenn vitjanina.
Dennis Holm
landsstýrismaður

-- 1 of 1 --

Skrivligur fyrispurningur
eftir § 52a í Tingskipanini
Spyrjari: Eirikur í Jákupsstovu, løgtingsmaður
Svarari: Dennis Holm, landsstýrismaður í fiskivinnu- og samferðslumálum
Evni: Kongsvitjan og umraðfestingar
Spurningar:
1. Hvørjar umraðfestingar í viðlíkahaldi og íløgum verða gjørdar hjá Landsverki,
orsakað av kongsvitjanini í summar?
Viðmerkingar:
Í eykajáttanarlógini á vári 2024 er biðið um 700.000 krónur afturat til
løgmansskrivstovuna í samband við kongsvitjanina.
Tó er rættiliga vanligt, at ábøtur verða gjørdar á vegir og lendingar, tá kongsvitjan er.
Tí hesin spurningur til landsstýrismannin.
Á Løgtingi, 15. apríl 2024
Eirikur í Jákupsstovu

-- 1 of 1 --