52-107/2023

FISKIVINNU- OG SAMFERÐSLUMÁLARÁÐIÐ
M i n i s t r y o f F i s h e r i e s a n d I n f r a s t r u c t u r e
Y v i r i v i ð S t r o n d 1 5 • P . O . B o x 3 4 7 • F O - 1 1 0 T ó r s h a v n • F a r o e I s l a n d s
T e l . ( + 2 9 8 ) 3 5 3 0 3 0 • f i s k @ f i s k . f o • w w w . f i s k . f o
Løgtingið
Tinghúsvegur 1-3
Postboks 208
110 Tórshavn
10. apríl 2024
Mál: 24/06650
Tygara skriv: 52-107/2023
Svar til skrivligan fyrispurning nr. 52-107/2023 frá Jacob Vestergaard, løgtingsmanni,
settur landsstýrismanninum í fiskivinnu- og samferðslumálum, Dennis Holm, um
arbeiðsfólkið í Dalstunlinum
Fyrispurningurin er soljóðandi:
1. Hví verður søkt eftir arbeiðsfólki til arbeiðið í Dalstunlinum?
2. Hvar er arbeiðsfólkið, sum arbeiddi í Dalstunlinum?
3. Er ósemja ímillum arbeiðsfólkið í Dalstunlinum og Landsverk, og um so er, hvar snýr
ósemjan seg um?
Svar:
Tað starvast vanliga 6-7 arbeiðsfólk á tunnilsliðnum hjá Landsverki. Arbeiðið við Dalstunlinum
hevur sum heild gingið væl. Fyrsta skotið fyri tunlinum varð latið 5. november 2020, og tunnilin
varð skotin ígjøgnum 9. novembur 2023.
Fyrr í ár søgdu trý arbeiðsfólk seg úr starvi. Orsøkin var, at tey vóru ónøgd við lønarviðurskifti og
setanartreytir í sambandi við tunnilsarbeiðið. Lýst varð tí eftir starvsfólki, og eru fólk sett í starv.
Arbeiðið inni í tunlinum varð nakað seinkað, meðan lýst varð eftir fólki, men nú gongur arbeiðið,
eftir ætlan.
Sum kunnugt verður Tjørnuvíkartunnilin fyrireikaður. Ætlanin er, at tunnilsliðið hjá Landsverki
skal arbeiða við at gera Tjørnuvíkartunnilin.
Dennis Holm
landsstýrismaður

-- 1 of 1 --

Skrivligur fyrispurningur
eftir § 52a í Tingskipanini
Spyrjari: Jacob Vestergaard, løgtingsmaður
Svarari: Dennis Holm, landsstýrismaður í fiskivinnu- og samferðslumálum
Evni: Arbeiðsfólkið í Dalstunlinum
Spurningar:
1. Hví verður søkt eftir arbeiðsfólki til arbeiðið í Dalstunlinum?
2. Hvar er arbeiðsfólkið, sum arbeiddi í Dalstunlinum?
3. Er ósemja ímillum arbeiðsfólkið í Dalstunlinum og Landsverk, og um so er,
hvar snýr ósemjan seg um?
Viðmerkingar:
Tað undraði ikki sørt, at Landsverk søkti eftir arbeiðsfólki til at arbeiða í
Dalstunlinum. Arbeiðsfólkið – tunnilstoymið – hevur stórt sæð verið tað sama, síðan
arbeiðið byrjaði, og fatanin hevur verið, at arbeiðið hevur verið gjørt til lítar.
Hóast undirritaði heldur, at tunnilsverkætlanir skulu bjóðast úr, hevur ætlanin verið at
savna vitan um tunnilsarbeiði í einum toymi hjá Landsverki, so hetta toymið kann
standa fyri fleiri líknandi tunnilsverkætlanum í framtíðini.
Um tey, sum hava arbeitt í Dalstunlinum, ikki eru í starvi hjá Landsverki longur,
gevur tað als onga meining at tosa um at savna vitan um tunnilsarbeiði í einum toymi,
tí vitanin hvørvur við starvsfólkunum, og byrjast má av nýggjum, um sami leistur
verður valdur fyri næstu tunnilsverkætlan.
Á Løgtingi, 26. mars 2024
Jacob Vestergaard

-- 1 of 1 --