52-071/2023

FISKIVINNU- OG SAMFERÐSLUMÁLARÁÐIÐ
M i n i s t r y o f F i s h e r i e s a n d I n f r a s t r u c t u r e
Y v i r i v i ð S t r o n d 1 5 • P . O . B o x 3 4 7 • F O - 1 1 0 T ó r s h a v n • F a r o e I s l a n d s
T e l . ( + 2 9 8 ) 3 5 3 0 3 0 • f i s k @ f i s k . f o • w w w . f i s k . f o
Løgtingið
Tinghúsvegur 1-3
Postboks 208
110 Tórshavn
24. januar 2024
Mál: 24/01185-2
Tygara skriv: 52-071/2023
Svar til skrivligan fyrispurning nr. 52-071/2023 frá Árna Skaale, løgtingsmanni,
settur landsstýrismanninum í fiskivinnu- og samferðslumálum, Dennis Holm, um
støðuna í tunlum
Fyrispurningurin er soljóðandi:
1. Hvussu nógvir tunlar í Føroyum hava ikki innlagt el, og hvørjir eru hesir tunlarnir?
2. Hvussu nógvir tunlar hava einans neyðljós og ikki koyribanaljós, og hvørjir eru
hesir?
3. Nær kann væntast, at Kunoyartunnilin verður uppgraderaður við koyribanaljósi?
4. Er ein prioriterað ætlan um, hvussu verandi tunlar verða uppstigaðir, soleiðis at teir
liva upp til tey krøvini (ella vanligan standard), sum vera sett til tunlar í dag?
Svar til spurning 1
Fyri at gera trygdina enn betri í tunlum landsins, hava Landsverk og Net samstarvað um at
fáa fartelefonsamband í allar tunlar í Føroyum. Í hesum sambandi er el lagt til allar
tunnilsmunnarnar, tó uttan at el-innleggingar til ljós og annað er lagt inn í allar tunlar.
Tað eru 21 tunlar, ið eru í nýtslu. Av hesum eru 8 tunlar, sum ikki hava loftsljós. Teir eru:
• Árnafjarðartunnilin (1965)
• Hvannasundstunnilin (1967)
• Sandvíkstunnilin (1970)
• Villingardalstunnilin (1979)
• Ritudalstunnlin (1980)
• Mikladalstunnlin (1980)
• Trøllanestunnilin (1985
• Kunoyartunnilin (1988)

-- 1 of 2 --

Fiskivinnu- og samferðslumálaráðið
2/2
Tunlarnir Norður um Fjall, Dalstunnilin og Fámjinstunnilin eru í gerð. Teir fara allir at
hava loftsljós.
Svar til spurning 2
Í dag er tað bert Kunoyartunnilin, sum hvørki hevur loftsljós ella neyðljós/rímingarljós.
Her skal tó gerast vart við, at trygdin í tunlinum ikki einans er treytað av
ljósviðurskiftunum, men eisini, hvørt tunlarnir eru útgjørdir við eldsløkkjarum,
neyðtelefonum, ventilatión og annað.
Kunoyartunnilin hevur fartelefonsamband og eldsløkkjarar.
Svar til spurning 3 og 4
Eftir galdandi íløguætlan fyri 2018-2030 verða 20 mió. kr. játtaðar til at dagføra
Leirvíkstunnilin, og 30 mió. kr. játtaðar til at dagføra Kollfjarðartunnilin árini 2027-2028.
Aðrar dagføringar vera ikki nevndar beinleiðis í íløguætlanini, men verða 6-7 mió. kr.
játtaðar árliga til at dagføra brýr og tunlar.
Í samferðsluætlanini hjá Landsverki fyri 2018-2030 verður mælt til at dagføra
Kunoyartunnilin, Gásadalstunnilin og Sumbiartunnilin. Einans Sumbiartunnilin er partvíst
dagførdur.
Kunoyartunnilin tørvar dagføringar. Um tunnilin skal lúka nútímans trygdarkrøv, skal
ymisk útgerð setast upp í tunlinum. Samlaður kostnaður fyri dagføring er í 2018 prísum
mettur til at verða 10-12 mió. kr. uttan váðaískoyti.
Dagføring av tunlum eigur at verða raðfest fremri.
Dennis Holm
landsstýrismaður

-- 2 of 2 --

Skrivligur fyrispurningur
eftir § 52a í Tingskipanini
Spyrjari: Árni Skaale, løgtingsmaður
Svarari: Dennis Holm, landsstýrismaður í fiskivinnu – og samferðslumálum
Evni: Støðan í tunlum
Spurningar:
1. Hvussu nógvir tunlar í Føroyum hava ikki innlagt el, og hvørjir eru hesir
tunlarnir?
2. Hvussu nógvir tunlar hava einans neyðljós og ikki koyribanaljós, og hvørjir
eru hesir?
3. Nær kann væntast, at Kunoyartunnilin verður uppgraderaður við
koyribanaljósi?
4. Er ein prioriterað ætlan um, hvussu verandi tunlar verða uppstigaðir, soleiðis
at teir liva upp til tey krøvini (ella vanligan standard), sum vera sett til tunlar í
dag?
Viðmerkingar:
Føroyskir tunlar eru sum heild á einum høgum støði. Tann elsti tunnilin er skiftur út
við ein nýggjan og tíðarhóskandi, og teir næstelstu verða um ikki so langa tíð útskiftir
við nýggjar modernaðar tunlar.
Tað skerst tó ikki burtur, at nakrir av tunlunum ikki eru á hædd við tað, sum vit í dag
halda vera nøktandi standard.
Ein av hesum tunlunum er Kunoyartunnilin. Serligar er tað eyðsýnt, at eingi
koyribanaljós eru í tunlinum.
Lítil ella ongin trygdarútgerð er í tunlinum til Kunoyar, og er hetta undir tí
standardinum, sum vit vænta, at tunlar í Føroyum hava. Tó skal sigast, at tað er ein
eldsløkkjari fyri umleið hvørjar 200 metrar, men hesir hava ikki ljós. Eisini hoyrist
telefonin í tunlinum.
Fyri at fáa greiðu á, hvørjum støði føroysku tunlarnir eru á, verða hesir spurningarnir
settir.
Á Løgtingi, 12. januar 2024
Árni Skaale

-- 1 of 1 --