52-057/2023

A L M A N N A – O G M E N T A M Á L A R Á Ð I Ð
M I N I S T R Y O F S O C I A L A F F A I R S A N D C U L T U R E
Eirargarður 2 • FO-100 Tórshavn
 (+298) 30 40 00 •  ammr@ammr.fo • www.ammr.fo
Løgtingið
Tinghúsvegur 1 – 3
100 Tórshavn
19. desember 2023
Mál: 23/24634
Tygara skriv:
Viðgjørt:
Nr. 52-057/2023
Svar upp á skrivligan fyrispurning nr. 52-57/2023 eftir tingskipanini §52a til Sirið
Stenberg, landsstýriskvinnu í almanna- og mentamálum, frá Súsannu Bertholdsen,
løgtingskvinnu, um framskundaða pensjón.
Spurningar:
1. Hvussu nógvar umsóknir um framskundaða pensjón hava verið, síðani skipanin kom í
gildi 1. desembur 2019?
2. Hvussu nógvir borgarar hava fingið játtað framskundaða persón, síðani skipanin kom í
gildi 1. desembur 2019?
3. Hvussu long er viðgerðartíðin fyri framskundaða pensjón?
4. Hvussu og hvar verður kunnað um møguleikan fyri framskundaðari pensjón?
Svar:
1. Hvussu nógvar umsóknir um framskundaða pensjón hava verið, síðani skipanin kom í
gildi 1. desembur 2019?
Higartil hava verið 60 umsóknir um framskundaða pensjón
2. Hvussu nógvir borgarar hava fingið játtað framskundaða persón, síðani skipanin kom í
gildi 1. desembur 2019?
Allar umsóknirnar eru játtaðar, eingin er sýtt. Hetta hongur saman við ta ráðgeving, ið
verður veitt, tá persónur vendir sær til Almannaverkið, tí hann ikki longur megnar
arbeiðslívið vegna aldur, sjúku o.t.
Tey flestu, sum søkja um framskundaða, hava samband við Almannaverkið, áðrenn
umsóknin verður send. Tað kann t.d. vera, tí tey ikki eru arbeiðsfør og tískil ynskja sosiala
ráðgeving um møguleikar fyri hjálp, ella tey fáa sjúkradagpening ella uppihaldsveiting.
Sostatt fær Almannaverkið ráðgivið teimum at søkja tað best hóskandi veitingina - pensjón
ella tillagað starv.
3. Hvussu long er viðgerðartíðin fyri framskundaða pensjón?

-- 1 of 2 --

A L M A N N A - O G M E N T A M Á L A R Á Ð I Ð
Síða 2 av 2
Viðgerðartíðin er í miðal 141 dagar. Er tíðin drigin frá, har Almannaverkið bíðar eftir
serlæknaváttanum o.l., er miðal viðgerðartíðin 88 dagar.
4. Hvussu og hvar verður kunnað um møguleikan fyri framskundaðari pensjón?
Kunnað verður um framskundaða pensjón í almannapensjónslógini og á heimasíðuni hjá
Almannaverkinum.
Sirið Stenberg
landsstýriskvinna

-- 2 of 2 --

Skrivligur fyrispurningur
eftir § 52a í Tingskipanini
Spyrjari: Súsanna Bertholdsen, løgtingskvinna
Svarari: Sirið Stenberg, landsstýriskvinna í almanna- og mentamálum
Evni: Framskundað pensjón
Spurningar:
1. Hvussu nógvar umsóknir um framskundaða pensjón hava verið, síðani skipanin kom í gildi
1. desembur 2019?
2. Hvussu nógvir borgarar hava fingið játtað framskundaða persón, síðani skipanin kom í gildi
1. desembur 2019?
3. Hvussu long er viðgerðartíðin fyri framskundaða pensjón?
4. Hvussu og hvar verður kunnað um møguleikan fyri framskundaðari pensjón?
Viðmerkingar:
Rætturin til framskundaða pensjón kom í gildi 1. desembur 2019. Treytin fyri at søkja er, at
arbeiðsførleikin varandi er minkaður við í minsta lagi eini helvt. Tað er, at tú ikki megnar at arbeiða
meira enn hálva tíð. Tú kanst í fyrsta lagi søkja um framskundaða pensjón 3 ár áðrenn
pensjónsaldur.
Á heimasíðuni hjá Almannaverkinum stendur at lesa, at borgarar, sum eru fyltir 64 ár, heldur skulu
søkja um framskundaða pensjón enn fyritíðarpensjón, tí viðgerðin er skjótari, og veitingin er
galdandi frá 1. í mánaðinum eftir, at Almannaverkið hevur móttikið umsóknina.
Hetta er ein góður møguleiki hjá fólki, sum eftir eitt langt arbeiðslív kunnu trekkja seg av
arbeiðsmarknaðinum áðrenn tíð uttan at fara á fyritíðarpensjón. Kortini hoyrist lutfalsliga lítið um
hendan góða møguleikan, og spurningurin er tí, um hetta tilboðið er nóg sjónligt ella nóg væl
kunnað um; tí seti eg hesar spurningar.
Á Løgtingi, 7. desembur 2023
Súsanna Bertholdsen

-- 1 of 1 --