52-055/2023

FISKIVINNU- OG SAMFERÐSLUMÁLARÁÐIÐ
M i n i s t r y o f F i s h e r i e s a n d I n f r a s t r u c t u r e
Y v i r i v i ð S t r o n d 1 5 • P . O . B o x 3 4 7 • F O - 1 1 0 T ó r s h a v n • F a r o e I s l a n d s
T e l . ( + 2 9 8 ) 3 5 3 0 3 0 • f i s k @ f i s k . f o • w w w . f i s k . f o
Løgtingið
Tinghúsvegur 1-3
Postboks 208
110 Tórshavn
14. desember 2023
Mál: 23/24378-2
(at tilskila í svari)
Tygara skriv: 52-055/2023
Svar til fyrispurning nr. 52-055/2023 frá Kim Durhuus, løgtingsmanni, til Dennis
Holm, landsstýrismann, um at gagnnýta alt okkara tilfeingi
Spurningar:
1. Hevur landsstýrismaðurin nakrar ítøkiligar ætlanir um at lóggeva alt okkara
tilfeingi til lands?
2. Hevur landsstýrismaðurin verið í samskifti við vinnuna um málið?
3. Hvørjar stuðulsmøguleikar hevur landsstýrismaðurin at stuðla nýskapandi
ætlanum innan økið?
Svar:
Til spurning 1.
Ja. Í eina tíð hevur verið arbeitt við at menna eitt uppskot um at landa alt lívfrøðiligt tilfar
frá veiðu um bryggjukant í Føroyum. Í mun til tað vanliga ella siðbundna, so fevnir hetta
uppskot um lívfrøðiligt tilfar frá veiðu í føroyskum sjógvi, so sum høvd, rogn, livur, ryggir,
innvøl, skræðu og fráskurð.
Tað er ein sannroynd, at slík ætlan krevur umskipanir innan ymsar partar av vinnuni.
Hesum tekur uppskotið hædd fyri, tí uppskotið og ætlanin byggja á eina skiftistíð, sum
ásetir, hvussu stórar mongdir av nevnda lívfrøðiliga tilfari skula landast um bryggjukant í
Føroyum. Skiftistíðin verður bygd upp í stigum, soleiðis at landaðu nøgdirnar verða
lutfalsliga smáar tíðliga í skiftistíðini, men økjast stigvíst sum frá líður.
Ætlandi skal skiftistíðin fevna um nøkur ár, og fyrstu tíðina fevnir ætlanin bert um veiðu í
føroyskum sjógvi.
Til spurning 2.
Ja. Fundir og samskifti hava verið við umboð fyri ráfiskaseljarar, ráfiskakeyparar,
reiðarar, manningarfeløg og framleiðsluvinnuna á landi.

-- 1 of 2 --

Fiskivinnu- og samferðslumálaráðið
2/2
Leggjast kann afturat, at í einum seinri umfari verður skrivligt tilfar og uppskot til
kunngerð sent til hoyringar hjá viðkomandi pørtum.
Til spurning 3.
Eingin ætlan er um at seta í verk eina stuðulsskipan, sum beinleiðis verður knýtt at hesi
ætlan.
Dennis Holm
landsstýrismaður

-- 2 of 2 --

Skrivligur fyrispurningur
eftir § 52a í Tingskipanini
Spyrjari: Kim Durhuus, løgtingsmaður
Svarari: Dennis Holm, landsstýrismaður í fiskivinnu- og samferðslumálum
Evni: At gagnnýta alt okkara tilfeingi
Spurningar:
1. Hevur landssstýrismaðurin nakrar ítøkiligar ætlanir um at lóggeva alt okkara
tilfeingi til lands?
2. Hevur landsstýrismaðurin verið í samskifti við vinnuna um málið?
3. Hvørjir stuðulsmøguleikar hevur landsstýrismaðurin at stuðla nýskapandi
ætlanum innan økið?
Viðmerkingar:
Fiskivinnan er okkara høvuðsvinna, og tað er umráðandi, at vit sum samfelag fáa mest
møguligt avkast frá vinnuni. At virðisøkja okkara rávørur kann verða ein týðandi liður
í at skapa fleiri størv í framtíðini og eisini birta undir hugin hjá ungum fólki at fáast
við fiskivinnu í breiðastu merking – tað kann vera bæði í ídnaði, framleiðslu,
gransking, sølu og so framvegis.
Í nógv ár hevur verið tosað um, at vit eiga at fáa alt okkara tilfeingi til lands, soleiðis
at vit kunnu útvinna sum mest burtur úr øllum tí, vit taka úr havinum.
Um Føroyar sum samfelag skulu fáa sum mest burtur úr okkara tilfeingi, er avgerandi,
at hendan uppgávan verður tikin í álvara. Samstarv millum almennu Føroyar og
vinnuna er ein loysn, sum avgjørt eigur at verða roynd.
Útflutningsvirðið kann økjast nógv, um rætt verður atborið. So gott sum alt, sum
kemur úr havinum, kann gagnnýtast og útflytast.
Á Løgtingi, 4. december 2023
Kim Durhuus

-- 1 of 1 --