52-033/2023

FISKIVINNU- OG SAMFERÐSLUMÁLARÁÐIÐ
M i n i s t r y o f F i s h e r i e s a n d I n f r a s t r u c t u r e
Y v i r i v i ð S t r o n d 1 5 • P . O . B o x 3 4 7 • F O - 1 1 0 T ó r s h a v n • F a r o e I s l a n d s
T e l . ( + 2 9 8 ) 3 5 3 0 3 0 • f i s k @ f i s k . f o • w w w . f i s k . f o
Løgtingið
Tinghúsvegur 1-3
Postboks 208
110 Tórshavn
13. oktober 2023
Mál: 23/19607-2
Tygara skriv: 52-033/2023
Svar til skrivligan fyrispurning nr. 52-033/2023 frá Helga Abrahamsen,
løgtingsmanni, settur landsstýrismanninum í fiskivinnu- og samferðslumálum,
Dennis Holm, um Funningsfjarðarvegin
Fyrispurningurin er soljóðandi:
1. Nær verður farið undir arbeiðið at gera ábøtur á Funningsfjarðarvegin, sum pengar
eru játtaðir til í ár?
2. Kann arbeiðið gerast liðugt fyri pengarnar, sum eru játtaðir?
Svar:
Í 2019 byrjaði Landsverk arbeiðið at breiðka vegin frá Millum Fjarða til Funningsfjørð og
hildið varð fram við hesum í 2021 og 2022.
Ætlanin er at breiðka umleið 150 metrar av Funningsfjarðarvegnum í ár, og tá er
breiðkanin komin til fyrstu húsini í bygdini. Lisitatión av arbeiðinum hevur verið, og
roknað verður við, at arbeiðið byrjar í viku 42.
Tá hetta er gjørt, eru umleið 350 metrar eftir til íbindingina til Funningsvegin. Haðani eru
500 metrar gjøgnum bygdina til íbindingina, sum er oman til havnarlagið í Funningsfirði.
Umframt at breiðka hetta strekkið, er eisini neyðugt at gera eina gongubreyt, og at gera
ábøtur á brúnna, ið er við omankoyringina til havnarlagið.
Dennis Holm
landsstýrismaður

-- 1 of 1 --

Skrivligur fyrispurningur
eftir § 52a í Tingskipanini
Spyrjari: Helgi Abrahamsen, løgtingsmaður
Svarari: Dennis Holm, landsstýrismaður í fiskivinnu- og samferðslumálum
Evni: Funningsfjarðarvegurin
Spurningar:
1. Nær verður farið undir arbeiðið at gera ábøtur á Funningsfjarðarvegin, sum
pengar eru játtaðir til í ár?
2. Kann arbeiðið gerast liðugt fyri pengarnar, sum eru játtaðir?
Viðmerkingar:
Á fíggjarlógini fyri verandi ár eru 2 mió. krónur settar av til at gera ábøtur á
Funningsfjarðarvegin. Talan er um framhald av einum arbeiði, sum hevur verið gjørt
gjøgnum fleiri ár.
Í fíggjarlógaruppskotinum fyri 2024 eru eingir pengar settir av til hetta vegastrekkið,
og nú árið er farið at halla, eru pengarnir, sum vórðu settir av til 2023, framvegis ikki
brúktir. Tí verður hesin fyrispurningurin settur.
Á Løgtingi, 2. oktober 2023
Helgi Abrahamsen

-- 1 of 1 --