52-026/2023

1 / 1
Uttanríkis- og vinnumálaráðið
Løgtingið Tórshavn, 25. september 2023
Journal nr.: 23/18381
Svar upp á fyrispurning frá Jóhan Dahl, løgtingsmanni, um søluna av Sjódeplinum hjá
Fiskaaling í Nesvík, settur landsstýrismanninum í uttanríkis- og vinnumálum, Høgna
Hoydal (at svara skrivliga eftir TS § 52 a), nr. 52-026/2023
Fyrispurningur
1. Hvat hendir í løtuni við ætlaðu søluni av Sjódeplinum hjá Fiskaaling í Nesvík, og er
ætlanin framvegin at selja bygningin ella leiga hann út?
2. Hvussu nógvir keyparar hava víst áhuga fyri at keypa bygningin?
3. Eru møguliga aðrar ætlanir við bygninginum?
Svar
Spurningur nr. 1
P/F Fiskaaling, ið er ein granskingarstovnur, sum arbeiðir við at menna og ráðgeva innan aling
av vatnlivandi djórum og plantum og innan biotøkni, eigur alistøðina í Nesvík. Felagið hevur
framvegis ætlanir um at selja alistøðina.
Í løtuni verður arbeitt við at fáa seinastu formligu viðurskiftini upp á pláss í sambandi við at
fremja søluna.
Spurningur nr. 2
12 møguligir keyparar hava víst áhuga fyri at keypa alistøðina í Nesvík.
Spurningur nr. 3
Landið, ið eigur P/F Fiskaaling, hevur ikki ætlanir fyri alistøðina í Nesvík.
Uttanríkis- og vinnumálaráðið, tann 25. september 2023
Høgni Hoydal
landsstýrismaður

-- 1 of 1 --

Skrivligur fyrispurningur
eftir § 52a í Tingskipanini
Spyrjari: Johan Dahl, løgtingsmaður
Svarari: Høgni Hoydal, landsstýrismaður í uttanríkis- og vinnumálum
Evni: Søla av Sjódeplinum hjá P/F Fiskaaling í Nesvík
Spurningar:
1. Hvat hendir í løtuni við ætlaðu søluni av Sjódeplinum hjá Fiskaaling í Nesvík, og er ætlanin
framvegin at selja bygningin ella leiga hann út?
2. Hvussu nógvir keyparar hava víst áhuga fyri at keypa bygningin?
3. Eru møguliga aðrar ætlanir við bygninginum?
Viðmerkingar:
Í juli mánaða í 2022 stóð Sjódepilin hjá Fiskaaling til almenna sølu, men enn er bygningurin ikki
seldur.
Sjódepilin hjá P/F Fiskaaling í Nesvík hevði m.a. til endamáls at gera royndir við toski, kalva o.ø.
Bygningurin stendur við streymasjógv, og tí kann sjógvur pumpast upp til at gera royndir við yngli
o.ø.
Gjørdar eru stórar íløgur gjøgnum tíðirnar í Sjódepilin í Nesvík, og stór virði standa í løtuni óbrúkt
uttan nakra ætlan fyri bygningin. Tí verður hesin fyrispurningur settur.
Á Løgtingi, 13. september 2023
Johan Dahl

-- 1 of 1 --