52-025/2023

1 / 1
Uttanríkis- og vinnumálaráðið
Løgtingið Tórshavn, 25. september 2023
Journal nr.: 23/18367
Svar upp á fyrispurning frá Jóhan Dahl, løgtingsmanni, um Føroya Sílaveiðufelag og
alistøðina hjá P/F Fiskaaling við Áir, settur landsstýrismanninum í uttanríkis- og
vinnumálum, Høgna Hoydal (at svara skrivliga eftir TS § 52 a), nr 52-025/2023
Fyrispurningur
1. Nær móttók Fiskaaling umsókn frá Sílaveiðifelagnum um leigu av parti av hølunum hjá
Fiskaaling við Áir?
2. Nær fær Føroya Sílaveiðifelagið eitt svar upp á umsóknina um at leiga ein part av
hølunum hjá Fiskaaling við Áir til at reka sítt virksemi?
3. Hví hevur tað drigið út at geva Sílaveiðifelagnum eitt svar?
Svar
Spurningur nr. 1
Fiskaaling hevur ikki móttikið umsókn frá Føroya Sílaveiðufelag.
Umhvørvis- og vinnumálaráðið móttók 12. desember 2022 umsókn frá Sílaveiðufelagnum um
loyvi at brúka alistøðina hjá Fiskaaling við Áir til at menna útseting av laksafiskasmolti og
ynguli.
Spurningur nr. 2 og nr. 3
Umsóknin varð móttikin beint eftir løgtingsvalið, men áðrenn nýggj samgonga varð skipað.
Tíverri hevur Føroya Síluveiðufelag ikki fingið svar uppá umsóknina. Upplýsast skal tó, at
fundir høvdu verið millum táverandi Umhvørvis- og vinnumálaráð og Føroya Sílaveiðufelag
fyri at Føroya Sílaveiðufelag sendi Umhvørvis- og vinnumálaráðnum umsóknina. Føroya
Síluveiðufelag er tí vitandi um, at P/F Fiskaaling hevur leigað alistøðina við Áir út til P/F
Bakkafrost í sambandi við lívfiskaarbeiðið at menna ta føroysku laksastammuna.
Føroya Síluveiðufelag átti at hava fingið svar frá Uttanríkis- og vinnumálaráðnum, og verður
tað gjørt sum skjótast.
Uttanríkis- og vinnumálaráðið, tann 25. september 2023
Høgni Hoydal
landsstýrismaður

-- 1 of 1 --

Skrivligur fyrispurningur
eftir § 52a í Tingskipanini
Spyrjari: Johan Dahl, løgtingsmaður
Svarari: Høgni Hoydal, landsstýrismaður í uttanríkis- og vinnumálum
Evni: Føroya Sílaveiðifelag og alistøðin hjá P/F Fiskaaling við Áir
Spurningar:
1. Nær móttók Fiskaaling umsókn frá Sílaveiðifelagnum um leigu av parti av hølunum hjá
Fiskaaling við Áir?
2. Nær fær Føroya Sílaveiðifelagið eitt svar upp á umsóknina um at leiga ein part av hølunum
hjá Fiskaaling við Áir til at reka sítt virksemi?
3. Hví hevur tað drigið út at geva Sílaveiðifelagnum eitt svar?
Viðmerkingar:
Síluveiðifelagið hevur søkt Fiskaaling um at reka sítt virksemi í einum parti av hølunum hjá
Fiskaaling við Áir. Felagið hevur enn onki svar fingið.
Alistøðin (smoltstøð) hjá P/F Fiskaaling við Áir er ein sokallað feskvatns-alistøð, har dentur verður
lagdur á teoretiska gransking um t.d. lús o.a. sum hevur við alivirksemi at gera.
Sílaveiðifelagið hevur m.a. sum endamál at vísa vegin fyri síla- og laksaaling.
Vit kunnu staðfesta eina afturgongd av síla- og laksastovninum. Villlaksur hevur nakrar serligar
ílegur og stammur; arvur sum gongur aftur í somu áum – og laksur sloppin út í alibrúkunum kann
hava við sær tær avleiðingar, at bland kemur í ílegurnar, og røttu arvaeginleikarnar detta tá burtur.
Sílaveiðifelagið kann hava stýr á kleking, og at besti laksurin og sílini verða sett út í okkara áir - ætlað
til vanligan laksa- og sílafiskiskap. Eisini kann arbeiðið hjá felagnum virka fyri at fremja
frítíðarfiskarí ella turistfiskarí og harvið menna okkara ferðavinnu. Tí verður hesin fyrispurningur
settur.
Á Løgtingi, 13. september 2023
Johan Dahl

-- 1 of 1 --