52-031/2022

F Í G G J A R M Á L A RÁ Ð I Ð
Ministry of Finance
Tinganes • Box 2039 • FO-110 Tórshavn
 (+298) 35 20 20 •  fmr@fmr.fo • www.fmr.fo
Løgtingið
Tinghúsvegur 1-3
Postboks 208
110 Tórshavn
Tórshavn, tann: 26. septembur
2022
J. nr.: 22/17038
Viðgjørt: AE
Svar til fyrispurning 52-031/2021 frá Edvu Jacobsen, løgtingsmanni, settur Una
Rasmussen, landsstýrismanni í fíggjarmálum, um viðlíkahald av vegastrekkinum niðan
gjøgnum dalin í Norðragøtu og inn eftir Kambsdali
Fyrispurningurin er soljóðandi:
1. Nær er vegastrekkið frá Norðragøtu og inn eftir Kambsdali asfalterað seinast?
2. Hvussu ofta er vegastrekkið asfalterað av nýggjum seinastu 30 árini?
3. Nær er ætlanin at viðlíkahalda hetta vegastrekkið?
4. Hvar í røðini er hetta vegastrekkið í einari asfalteringsætlan hjá Landsverki?
Svar:
Tað er eitt eftirsleip av viðlíkahaldinum á infrakervinum. Landsverk metti í 2018 at eftirsleipið til
asfaltering var umleið 100 mió. kr. Landsverk er í holt við at dagføra metingina av eftirsleipinum,
sum samanlagt var mett til 375 mió. kr. í 2018.
Vegastrekkið frá Norðagøtu (við íbindingina til fótboltsvøllin) til Fuglafjørð er umleið 6,5
kilometrar og er ein av vegunum, ið Landsverk metir hava tørv á at verða asfalteraður. Vegurin
varð asfalteraður í 1999. Síðani eru bert smávegis ábøtur gjørdar á vegin. Í løtuni verða ringastu
holini á vegnum fylt við asfalti.
Landsverk mælir til, at vegastrekki við nógvari og tungari ferðslu, eins og Fuglafjarðarvegurin,
eiga at verða asfalteraðir fimtanda hvørt ár. Í løtuni verður mett, at tað kostar einar 2 mió. kr. at
asfaltera hvønn kilometur av vegi. Tað merkir, at tað kostar umleið 13 mió. kr. at asfaltera
Fuglafjarðarvegin.
Landsstýrismaðurin ætlar at virka fyri, at meira verður játtað til at asfaltera komandi árini. Tað
krevur eina politiska semju, at meira verður játtað til viðlíkahald og kanska minni til nýgerð
komandi árini.
Tinganes, 26. septembur 2022
Uni Rasmussen
landsstýrismaður í fíggjarmálu

-- 1 of 1 --

Skrivligur fyrispurningur
eftir § 52a í Tingskipanini
Spyrjari: Edva Jacobsen, løgtingsmaður
Svarari: Uni Rasmussen, landsstýrismaður í fíggjarmálum
Evni: Viðlíkahald av vegastrekkinum niðan gjøgnum dalin í Norðragøtu og inn eftir
Kambsdali
Spurningar:
1. Nær er vegastrekkið frá Norðragøtu og inn eftir Kambsdali asfalterað seinast?
2. Hvussu ofta er vegastrekkið asfalterað av nýggjum seinastu 30 árini?
3. Nær er ætlanin at viðlíkahalda hetta vegastrekkið?
4. Hvar í røðini er hetta vegastrekkið í einari asfalteringsætlan hjá Landsverki?
Viðmerkingar:
Vegastrekkið niðan ígjøgnum dalin í Norðragøtu og inn eftir Kambsdali er eitt strekkið við
sera nógvari ferðslu. Tað er nógv vinnulív á Kambsdali og Fuglafirði, umframt at tað liggur
ein stórur Miðnámsskúli í sama øki. Sostatt er eisini nógv tung ferðsla, sum setur eyka krøv
til eitt trygt vegastrekki.
Vegurin er so mikið illa farin, at bilar royna at stýra uttan um holini í vegnum, fyri at koma
nøkulunda ígjøgnum hetta strekkið. Hetta er tarnandi fyri ferðsluna og ikki gott fyri
ferðslutrygdina.
Tað eru nógvir vegir, sum treingja til ábøtur runt um í landinum, men í hesum økinum er
nógv vinnulív, tað ferðast fleiri hundrað næmingar hvønn dag, umframt øll onnur ferðsla.
Hesar vánaligu koyriumstøður eru til stóran ampa fyri ferðsluna, her ímillum ferðslutrygdina.
Tí verður hesum fyrispurningur settur.
Á Løgtingi, 14. september 2022
Edva Jacobsen

-- 1 of 1 --