52-025/2022

F Í G G J A R M Á L A RÁ Ð I Ð
Ministry of Finance
Tinganes • Box 2039 • FO-110 Tórshavn
 (+298) 35 20 20 •  fmr@fmr.fo • www.fmr.fo
Løgtingið
Tinghúsvegur 1-3
Postboks 208
110 Tórshavn
Tórshavn, tann: 23. septembur 2022
J. nr.: 22/15769
Viðgjørt: AE
Svar til fyrispurning nr. 52-025/2022 frá Henrik Old, løgtingsmanni, settur
landsstýrismanninum í fíggjarmálum, Una Rasmussen, um gjaldið frá Strandferðsluni til
Tórshavnar havn
Fyrispurningurin er soljóðandi:
1. Kann landsstýrismaðurin upplýsa, hvat Strandferðslan rindar í leigu fyri parkeringsøkið á
Bursatanga?
2. Hvat kostar tað hjá Strandferðsluni at leiga tornið til at ganga umborð á Smyril?
3. Hvat kostar tað hjá Strandferðsluni at leiga pakkhús og skrivstovu á kaiini?
4. Hvussu nógv rindar Strandferðslan í havnargjaldi fyri Smyril til Tórshavnar havn?
5. Hvat er gjaldið hjá Strandferðsluni fyri ferðafólk og bilar, sum fara umborð á Smyril
umframt samlaða gjaldið fyri 2021?
6. Hvussu nógv rindar Strandferðslan fyri bingjur og last fyri virksemið á Bursatanga?
7. Hvat er sostatt samlaða gjaldið hjá Strandferðsluni til Tórshavnar havn?
Svar til spurning 1, 2, 3 og 6
Strandferðslan rindaði 1,0 mió. kr. í leigu til Tórshavnar Havn í 2021. Leigan av farstøðini,
økinum til bilar, bussar, bingjur og sleip kostaði 754 tús. kr. Trapputornið kostaði 237 tús. kr., og
at leiga skrivstovu í farstøðini kostaði 35 tús. kr.
Svar til spurning 4 og 5
Strandferðslan rindaði 3,62 mió. kr. í havna- og brúgvagjaldi til Tórshavnar havn. Av hesum 3,0
mió. kr. fyri Smyril (Suðuroyarleiðina), og 622 tús. kr. fyri Ternuna (Nólsoyarleiðina).
Harumframt rindaði Strandferðslan 2,1 mió. kr. í vørugjaldi. Av hesum 1,8 mió. kr. fyri Smyril
og 271 tús. kr. fyri Ternuna. “Vørugjaldið” er fyri ferðafólk, bilar, bingjur, lastir og tílíkt.
Strandferðslan rindar 4 kr. fyri hvørt ferðafólk (undantikið skúlabørn, barnagarðar o.a.), 8 kr. fyri
hvønn persónbil og 16 kr. fyri størri akfør og sleip, sum koma í havn ella bryggju hjá
kommununi. Tað merkir, at Strandferðslan rindar bæði, tá ið komið verður til Nólsoyar og til
Havnar. Landið eigur hinvegin havnina á Krambatanga.
Svar til spurning 7
Samanumtikið var leigukostnaðurin hjá Strandferðsluni 1,0 mió. kr., havna – og brúgvagjaldið
var 3,62 mió. kr., og vørugjaldið 2,1 mió. kr. Samlaðu útreiðslurnar hjá Strandferðsluni til
Tórshavnar havn vóru sostatt 6,73 mió. kr. í 2021. Sí eisini talvuna niðanfyri.

-- 1 of 2 --

F Í G G J A R M Á L A R Á Ð I Ð
Ministry of Finance
2/2
Gjøld til Tórshavnar Havn í 2021 tús. kr.
Leiga av farstøð, øki til bilar og bussar 754
Leiga av trapputorni 237
Leiga av skrivstovu á farstøðini 35
Havna- og brúgvagjald, Smyril 2.995
Havna- og brúgvagjald, Ternan 622
Vørugjald: ferðafólk, bilar, bingjur og lastir, Smyril 1.814
Vørugjald: ferðafólk, bilar, bingjur og lastir, Ternan 271
Gjøld tilsamans, útreiðslur 6.728
Tinganes, 23. septembur 2022
Uni Rasmussen
landsstýrismaður í fíggjarmálum

-- 2 of 2 --

Skrivligur fyrispurningur
eftir § 52a í Tingskipanini
Spyrjari: Henrik Old, løgtingsmaður
Svarari: Uni Rasmussen, landsstýrismaður í fíggjarmálum
Evni: Gjaldið frá Strandferðsluni til Tórshavnar havn
Spurningar:
1. Kann landsstýrismaðurin upplýsa, hvat Strandferðslan rindar í leigu fyri
parkeringsøkið á Bursatanga?
2. Hvat kostar tað hjá Strandferðsluni at leiga tornið til at ganga umborð á
Smyril?
3. Hvat kostar tað hjá Strandferðsluni at leiga pakkhús og skrivstovu á kaiini?
4. Hvussu nógv rindar Strandferðslan í havnargjaldi fyri Smyril til Tórshavnar
havn?
5. Hvat er gjaldið hjá Strandferðsluni fyri ferðafólk og bilar, sum fara umborð á
Smyril umframt samlaða gjaldið fyri 2021?
6. Hvussu nógv rindar Strandferðslan fyri bingjur og last fyri virksemið á
Bursatanga?
7. Hvat er sostatt samlaða gjaldið hjá Strandferðsluni til Tórshavnar havn?
Viðmerkingar:
Tjóðleikhúsið skal eftir ætlan byggjast á Bursatanga. Men á leið 265.000 ferðafólk og
111.000 bilar eru farnir við Smyrli um kaikantin á Bursatanga í 2021. Hetta merkir, at
stórir kostnaðir hjá Strandferðsluni eru knýttir aftrat virkseminum hjá Smyrli.
Haraftrat kann nevnast, at í Nólsoy eru 87.000 ferðafólk og 5.500 bilar farin um
kaikantin, og eisini her eru stórir kostnaðir knýttir aftrat.
Eisini byrjar farleiðin til flogvøllin og til Klaksvíkar á Bursatanga. Tað vóru 55.000
ferðafólk frá Bursatanga til flogvøllin í 2021. Sama ár vóru 75.000 ferðafólk úr
Tórshavn til Klaksvíkar; so sigast má, at hetta má vera eitt tað mest ferðslutunga økið,
sum er í landinum.
Tað er umráðandi, at kostnaðurin fyri nýtsluna á Bursatanga verður upplýstur, nú eitt
tjóðleikhús eftir ætlan skal staðsetast sama stað.
Á Løgtingi, 9. september 2022
Henrik Old

-- 1 of 1 --