52-006/2022

U T T A N R Í K I S - O G M E N T A M Á L A R Á ÐI Ð
Tinghúsvegur 5-7 • Postrúm 3279 • FO-110 Tórshavn
 +298 30 65 00 •  ummr@ummr.fo • www.ummr.fo
Løgtingið
Tinghúsvegur 1-3
Postboks 208
110 Tórshavn
Dagfesting: 16. august 2022
Tygara ref.: 52-006/2022
Máltal.: 21/08502-140
Svar
upp á
§ 52a fyrispurning nr. 52-006/2022 frá Elsebet Mercedis Gunnleygsdóttur, løgtingskvinnu,
settur Jenis av Rana, landsstýrismanni í uttanríkis- og mentamálum, Brandskúlan
(trygdardepilin við Áir).
Fyrispurningurin er soljóðandi:
1. Hvussu gongst við at flyta brandskúlan hjá Trygdardeplinum við Áir til Klaksvíkar?
2. Hvar er ætlanin, at skúlin skal verða staðsettur í Klaksvík?
3. Fylgja lærararnir við flytingini ?
4. Er leiðslan á Sjónámi tikin við upp á ráð í tilgongdini, ella undir hvørjum stovni skal
brandskúlin verða?
5. Við Áir er m.a ein konstruktión av einum maskinrúmi, har venjingar verða gjørdar.
Verður henda konstruktiónin flutt til Klaksvíkar, ella verður ein bygd av nýggjum ?
Svar til spurning 1:
Samgongan ætlar, at flyta brandskúlan til Klaksvíkar. Skjóttarbeiðandi arbeiðsbólkur verður í
næstum settur, við umboðum frá m.ø. Sjónámi, Vinnuháskúlanum, Klaksvíkar kommunu og
brunamyndugleikunum, sum skal gera tilmæli til Uttanríkis- og mentamálaráðið, um tilgongd,
staðseting, høli, útgerð, brunatrygdarkrøv, v.m.
Svar til spurning 2:
Viðvíkjandi staðseting, hevur í fleiri umførum verið samskift við Klaksvíkar kommunu, har
ymiskir møguleikar vórðu umrøddir. Enn er tó ikki greitt júst hvar brandskúlin kann staðsetast.
Svar til spurning 3:
Hesin spurningur er ikki viðgjørdur enn. Talan er eisini um starvssetanir, sum skulu handfarast,
sum slíkar eiga at verða, í góðum samráði millum allar partar.
Svar til spurning 4:
Leiðslurnar á báðum maritimu skúlunum hava luttikið í tilgongdum um nýggja staðseting av
brandskúlanum. Málið hevur verið frammi í fleiri umførum. Mest sannlíkt verður brandskúlin
knýttur at Sjónámi, tá hann kemur at liggja í Klaksvík.

-- 1 of 2 --

U T T A N R Í K I S - O G M E N T A M Á L A R Á Ð I Ð
Tinghúsvegur 5-7 • Postrúm 3279 • FO-110 Tórshavn
 +298 30 65 00 •  ummr@ummr.fo • www.ummr.fo Page 2 of 2
Svar til spurning 5:
Vísandi til svarið til fyrsta spurning, skal omanfyri nevndi arbeiðsbólkur kanna hvussu hesi
brandskúlaskeið verða skipað í grannalondunum, hvørji krøv eru til útbúgvingar og brunatrygd,
og hvør útgerð verður brúkt aðrastaðni. Eftir hetta koma tey við einum tilmæli um, hvørt verandi
útgerð skal nýtast, ella um tørvur er á nýggjari ella dagførdari útgerð.
Vinarliga
Jenis av Rana
landsstýrismaður

-- 2 of 2 --

Skrivligur fyrispurningur
eftir § 52a í Tingskipanini
Spyrjari: Elsebeth Mercedis Gunnleygsdóttur, løgtingsmaður
Svarari: Jenis av Rana, landsstýrismaður í mentamálum
Evni: Brandskúlin (Trygdardepilin við Áir)
Spurningar:
1. Hvussu gongst við at flyta brandskúlan hjá Trygdardeplinum við Áir til
Klaksvíkar?
2. Hvar er ætlanin, at skúlin skal verða staðsettur í Klaksvík?
3. Fylgja lærararnir við flytingini ?
4. Er leiðslan á Sjónámi tikin við upp á ráð í tilgongdini, ella undir hvørjum
stovni skal brandskúlin verða?
5. Við Áir er m.a ein konstruktión av einum maskinrúmi, har venjingar verða
gjørdar. Verður henda konstruktiónin flutt til Klaksvíkar, ella verður ein bygd
av nýggjum ?
Viðmerkingar:
Tað vóru hugalig tíðindi fyri norðoyingar, tá tað frættist í síni tíð, at brandskúlin
skuldi flytast til Klaksvíkar. Tað er tí sera áhugavert at fáa at vita, hvar málið liggur í
løtuni. Somuleiðis er áhugavert at vita, hvar í Klaksvík brandskúlin skal staðsetast,
soleiðis at roykurin frá honum ikki kann verða ein bági fyri grannar og onnur.
Á Løgtingi, 5. august 2022
Elsebeth Mercedis Gunnleygsdóttur

-- 1 of 1 --