52-003/2022

Skrivligur fyrispurningur
eftir § 52a í Tingskipanini
Spyrjari: Sirið Stenberg, løgtingsmaður
Svarari: Jenis av Rana, landsstýrismaður í mentamálum
Evni: Støðan í Vestmanna skúla og starvssetanir
Spurningar:
1. Hvat er gjørt fyri at loysa ótolandi støðuna í Vestmanna skúla?
2. Hevur landsstýrismaðurin vikið frá tilmælum í øðrum starvssetanum enn í
málinum um stjórasetanina í Vestmanna skúla?
Um ja, hvørjar setanir er talan um?
Viðmerkingar:
Tað var alment frammi síðst í juni, at støðan var ruðuleikakend í Vestmanna skúla.
Víst varð á, at eitt skriv var komið frá lærarum í Vestmanna skúla, sum vóru sera
ørkymlað um støðuna og bóðu um hjálp. Víst varð á stóra ónøgd við stjóran og á stóra
ótryggleikan, sum hevur merkt farna skúlaár.
Nú er eitt nýtt skúlaár fyri durum, og tí er týdningarmikið at fáa greiðu á, hvussu
støðan nú er soleiðis, at bæði børn og starvsfólk kunnu koma aftur í nøktandi
umstøður.
Tað er alment, at landsstýrismaðurin ikki fylgdi tilmælinum frá skúlastýrinum um
stjórasetanina í Vestmanna skúla. Spurningurin er tí eisini, um hetta er eindømi, ella
um landsstýrismaðurin í nøkrum øðrum setanum hevur vikið frá innstillingum í
starvssetanum, og í so fall hvørjum.
Á Løgtingi, 3. august 2022
Sirið Stenberg

-- 1 of 1 --

U T T A N R Í K I S - O G M E N T A M Á L A R Á ÐI Ð
Tinghúsvegur 5-7 • Postrúm 3279 • FO-110 Tórshavn
 +298 30 65 00 •  ummr@ummr.fo • www.ummr.fo
Løgtingið
Tinghúsvegur 1-3
Postboks 208
110 Tórshavn
Dagfesting: 16. august 2022
Tygara ref.: 52-003/2022
Máltal.: 21/08502-139
Svar
upp á
§ 52a fyrispurning nr. 52-003/2022 frá Sirið Stenberg, løgtingskvinnu, settur Jenis av Rana,
landsstýrismanni í uttanríkis- og mentamálum, um Vestmanna skúla og starvsetanir.
Fyrispurningurin er soljóðandi:
1. Hvat er gjørt fyri at loysa ótolandi støðuna í Vestmanna skúla?
2. Hevur landsstýrismaðurin vikið frá tilmælum í øðrum starvssetanum enn í málinum um
stjórasetanina í Vestmanna skúla?
Svar til 1: Skúlastjórin í Vestmanna skúla byrjaði í starvinum 21. september 2021. (Ikki
kann sigast, at hetta var ein blíð byrjan, tí at starvssetanin fekk nógva umrøðu, ikki minst í
miðlunum, og hevur hetta uttan iva ávirkað allar partar.)
Undirvísingarstýrið hevur havt regluligt samskifti við skúlastjóran síðani byrjan og hevur veitt
skúlastjóranum ráðgeving í starvinum, eisini viðvíkjandi starvsfólkaviðurskiftum.
Uttanríkis- og mentamálaráðið hevur harumframt játtað skúlanum tveir ráðleggingardagar í
heyst til at menna trivnaðin í skúlanum og samansjóða starvsfólkini, har starvsfólkapolitikkur
eisini verður partur av átakinum. Løgd verður ein framhaldandi ætlan um, hvussu arbeitt verður
víðari við trivnaðartilgongdini í skúlanum. Ætlanin er, at skúlin fær serkøna ráðgeving til at
skipa ráðleggingardagarnar.
Svar til 2: Landsstýrismaðurin setti ikki tilmælið hjá setanarnevndini til viks, men valdi ein
av innstillaðu umsøkjarunum. Setanarnevndin innstillaði tríggjar umsøkjarar, sum mett varð,
sambært krøvunum til starvið og samrøðunum, høvdu førleika at røkja starvið. Umsøkjararnir
vórðu raðfestir í tí røð, sum setanarnevndin helt, at umsøkjararnir best luku treytirnar til
starvið. Landsstýrismaðurin valdi ein av innstillaðu umsøkjarunum, men ikki tann, sum
setanarnevndin raðfesti sum fyrst innstillaða til starvið.

-- 1 of 2 --

U T T A N R Í K I S - O G M E N T A M Á L A R Á ÐI Ð
Tinghúsvegur 5-7 • Postrúm 3279 • FO-110 Tórshavn
 +298 30 65 00 •  ummr@ummr.fo • www.ummr.fo Page 2 of 2
Landsstýrismaðurin hevur altíð valt ein av innstillaðu umsøkjarunum, sum setanarnevndin
hevur mælt til. Í allarflestu førum er raðfestingin hjá setanarnevndini fylgd, men ikki altíð.
Saman við tilmælinum, fær landsstýrismaðurin alt tilfarið, sum er brúkt í setanartilgongdini.
Við grundarlagi í tilmælinum og samlaða tilfarinum hevur landsstýrismaðurin gjørt sínar
grundaðu metingar um, hvør er best egnaður til starvi í hvørjum einstøkum føri. Tað er ikki
altíð at setanarnevndin raðfestir øll viðurskifti á sama hátt sum tann, ið er settur at hava
setanarmyndugleikan.
Vinarliga
Jenis av Rana
landsstýrismaður

-- 2 of 2 --