52-205/2021

ALMANNAMÁLARÁÐIÐ
Eirargarður 2 • FO-100 Tórshavn
Tel: +298 304000 • Fax: +298 304045 • E-mail: amr@amr.fo
Løgtingið
Tinghúsvegur 1-3Postboks 208
110 Tórshavn
13. juni 2022
Mál: 22/10685
Tygara Skriv:
Viðgjørt: Heðin D. Poulsen
Nr. 52-205/2021
Svar uppá § 52a fyrispurning nr. 52-205/2021 frá Steffan Klein Poulsen, løgtingsmanni,
settur landsstýrismanninum í almannamálum Sólvit E. Nolsøe, um ættleiðing av
føroyingum
Spurningar:
1. Hvussu nógvir føroyingar eru ættleiddir av føroyingum frá tí, at slíkar upplýsingar eru
skrásettar til í dag?
2. Hvussu nógvir føroyingar eru burturættleiddir til eitt annað land sama tíðarskeiðið?
3. Hvussu nógvir føroyingar eru endaðir í fosturforeldraskipanini ella líknandi skipan
sama tíðarskeiðið?
4. Hvussu sær hendan gongdin út í tølum býtt á hvørt einstakt ár frá tí, at slíkar
upplýsingar eru skrásettar til í dag býtt á hesar bólkar: føroyingar ættleiddir av
føroyingum, føroyingar burturættleiddir til annað land og føroyingar endaðir í
fosturforeldraskipanini?
5. Hvørjar eru høvuðsforðingarnar fyri, at føroyingar ættleiða føroyingar undir galdandi
skipan á økinum?
6. Heldur landsstýrismaðurin, at møguleikarnir fyri at føroyingar ættleiða føroyingar eru
nóg góðir?
Svar:
Til nr. 1
Við undantaki av familjuættleiðingum, har eitt mál var skrásett í 2017 og eitt í 2022, er
Familjufyrisitingin ikki vitandi um, at nakað barn búgvandi í Føroyum er ættleitt av
føroyingum sambært ættleiðingarlógini. Familjuættleiðing er ættleiðing av børnum, sum eru í
nær familju við tey sum ættleiða, ella hava eitt serligt tilknýti til tey sum ættleiða, eitt nú
fosturbørn, ið eru umsorganaryvirtikin, við samtykki ella við tvingsli.
Til nr. 2
Familjufyrisitingin er ikki vitandi um, at nakað barn búgvandi í Føroyum er burturættleitt
til annað land.
Til nr. 3
Í tíðarskeiðinum frá 2010 til 2020, hava tað verið millum 44 og 89 børn í
fosturforeldraskipanini.

-- 1 of 2 --

ALMANNAMÁLARÁÐIÐ
síða 2 av 2
2010 2011 2012 2013 2014 2015 2016 2017 2018 2019 2020
44 54 68 72 68 77 73 86 69 87 89
Til nr. 4
Føroyingar ættleiddir av føroyingum, sí svar til spurning 1. Føroyingar burturættleiddir til
annað land, sí svar til spurning 2. Føroyingar í fosturforeldraskipanini, sí svar til spurning 3.
Til nr. 5
Tað eru ongar beinleiðis forðingar í lóggávuni fyri, at føroyingar kunnu ættleiða føroyingar.
Um eitt barn skal ættleiðast innanlands, sendir Familjufyrisitingin málið til Adoptionsnævnet
í Danmark. Adoptionsnævnet velur síðani millum góðkend ættleiðingarforeldur, ið kunnu
vera føroyingar ella danskarar, hvørji ættleiðingarforeldur eru best skikkaði til at ættleiða
barnið.
Um samtykki til burturættleiðing er latið, og barnið skal ættleiðast av einum ávísum
umsøkjara, viðger Familjufyrisitingin málið uttanum Adoptionsnævnet.
Til nr. 6
Sí svar til spurning nr. 5 og at landsstýrið í løtuni ongar ítøkiligar ætlanir hevur um at gera
broytingar í Ættleiðingarlógini.
Almannamálaráðið 13. juni 2022
Sólvit E. Nolsø
landsstýrismaður

-- 2 of 2 --

Skrivligur fyrispurningur
eftir § 52a í Tingskipanini
Spyrjari: Steffan Klein Poulsen, løgtingsmaður
Svarari: Sólvit E. Nolsø, landsstýrismaður í almannamálum
Evni: Ættleiðing av føroyingum
Spurningar:
1. Hvussu nógvir føroyingar eru ættleiddir av føroyingum frá tí, at slíkar
upplýsingar eru skrásettar til í dag?
2. Hvussu nógvir føroyingar eru burturættleiddir til eitt annað land sama
tíðarskeiðið?
3. Hvussu nógvir føroyingar eru endaðir í fosturforeldraskipanini ella líknandi
skipan sama tíðarskeiðið?
4. Hvussu sær hendan gongdin út í tølum býtt á hvørt einstakt ár frá tí, at slíkar
upplýsingar eru skrásettar til í dag býtt á hesar bólkar: føroyingar ættleiddir av
føroyingum, føroyingar burturættleiddir til annað land og føroyingar endaðir í
fosturforeldraskipanini?
5. Hvørjar eru høvuðsforðingarnar fyri, at føroyingar ættleiða føroyingar undir
galdandi skipan á økinum?
6. Heldur landsstýrismaðurin, at møguleikarnir fyri at føroyingar ættleiða
føroyingar eru nóg góðir?
Viðmerkingar:
Teir fyrstu spurningarnir skulu fáa greiðu á, hvussu ofta tað kemur fyri, at føroyingar
ættleiða føroyingar. Tað at ættleiða og burturættleiða er sárbært, men hendan loysnin
kann broyta lagnurnar hjá børnum í truplum umstøðum til tað betra.
Tað eru í høvuðsheitinum tveir møguleikar at lofta børnum, sum eru umsorgarnarsvikin
ella av aðrari orsøk ikki kunnu vera hjá sínum biologisku foreldrum. Tað er við
fosturforeldraskipanini ella við ættleiðing. Børn, sum verða tikin til fosturs, hava eitt
bakland, til tey eru 18 ára gomul. Møgulig undantøk kunnu leingja hetta tíðarskeiðið til
tey eru 23 ár. Ættleiðing er hinvegin ein langtíðarloysn, ið varir alt lívið hjá barninum.
Harafturat er ættleiðing eitt alternativ til fosturtøku. Fleiri mammur og pápar umhugsa
og velja fosturtøku av ymsum orsøkum. 28 fosturtøkur vórðu framdar í Føroyum í 2020.
Um føroyingar høvdu eina góða ættleiðingarskipan, kann hugsast, at foreldur í truplum
umstøðum valdu hendan møguleikan framum fosturtøku, ið hevur stórar avleiðingar
við sær. Samstundis hava vit hjún í Føroyum, ið hava trupult við at fáa børn.
Á Løgtingi, 30. mai 2022
Steffan Klein Poulsen

-- 1 of 1 --