52-202/2021

U T T A N R Í K I S - O G M E N T A M Á L A R Á Ð I Ð
Tinghúsvegur 5-7 • Postrúm 3279 • FO-110 Tórshavn
 +298 30 65 00 •  ummr@ummr.fo • www.ummr.fo
Løgtingið
Tinghúsvegur 1-3
Postboks 208
110 Tórshavn
Dagfesting: 8. juni 2022
Tygara ref.:
Máltal.: 21/08502-124
Svar
upp á
§ 52a fyrispurning nr. 52-202/2021 frá Elsebeth Mercedis Gunnleygsdóttur,
løgtingskvinnu, settur Jenis av Rana, landsstýrismanni í uttanríkis- og mentamálum.
Fyrispurningurin er soljóðandi:
Hví er spakin ikki settur í enn til nýggja Húsarhaldsskúla Føroya ?
Svar
Orsøkin til, at spakin ikki er settur í til nýggja Húsarhaldsskúla Føroya, er, at Uttanríkis- og
mentamálaráðið ikki hevur givið skúlanum tilsøgn um stuðul til byggingina.
Ein høvuðsorsøk til, at tilsøgnin ikki er givin, er, at verkætlanin, eftir at tilboðini eru komin inn, er
dýrari enn mett, og sum lagt er upp til í galdandi heimildarlóg um studningslán til at byggja
húsarhaldsskúla í Klaksvík, har landsstýrismaðurin hevur fingið heimild at veita 21 mió. kr. í
stuðli. Henda upphædd vísir seg nú at vera ov lítil, og neyðugt verður tí at broyta galdandi
heimildarlóg, um verkætlanin skal fremjast fyri nýggja kostnaðin.
Umframt endaliga byggikostnaðin eru eisini onnur ivamál, sum Uttanríkis- og mentamálaráðið vil
hava fult greiði á, áðrenn nøkur tilsøgn um stuðul til bygging verður givin. Samskift verður við
skúlan um kostnaðin og hini viðurskiftini, sum ivi er um.
Vinarliga
Jenis av Rana
landsstýrismaður

-- 1 of 1 --

Skrivligur fyrispurningur
eftir § 52a í Tingskipanini
Spyrjari: Elsebeth Mercedis Gunnleygsdóttur, løgtingsmaður
Svarari: Jenis av Rana, landsstýrismaður í uttanríkis- og mentamálum
Evni: Húsarhaldsskúli Føroya
Spurningur:
Hví er spakin ikki settur í enn til nýggja Húsarhaldsskúla Føroya ?
Viðmerkingar:
Tann 6. apríl 2022 spurdi eg sum ófráboðaðan fyrispurning landsstýrismannin Jenis
av Rana, nær spakin fór at blíva settur í til nýggja Húsarhaldsskúla
Føroya. Landsstýrismaðurin upplýsti tá, at spakin bleiv settur í skjótt. Væntandi um
nakrar vikur. Nøkur skjøl skuldu fyrst eftirhyggjast og tryggjast skuldi, at alt var í
lagi, áðrenn byggingin fór í gongd. Sambært landsstýrismanninum sjálvum skuldi
hetta ikki tikið langa tíð.
Nú eru longu 7 vikur farnar, síðan landsstýrismaðurin segði hetta, men enn er ongin
spaki settur í. Tí er spurningurin, hvørjum bíðað verður eftir.
Á Løgtingi, 25. mai 2022
Elsebeth Mercedis Gunnleygsdóttur

-- 1 of 1 --