52-181/2021

U T T A N R Í K I S - O G M E N T A M Á L A R Á Ð I Ð
Tinghúsvegur 5-7 • Postrúm 3279 • FO-110 Tórshavn
 +298 30 65 00 •  ummr@ummr.fo • www.ummr.fo
Løgtingið
Tinghúsvegur 1-3
100 Tórshavn
Dagfesting: 3. mai 2022
Tygara ref.:
Máltal.: 21/08502-104
Svar
upp á
§ 52a fyrispurning nr. 52-181/2021, frá Anniku Olsen, løgtingskvinnu, settur Jenisi av
Rana, landsstýrismanni, um Fróðskaparsetrið og kampusætlan.
Fyrispurningurin er soljóðandi:
1. Nær kann væntast, at farið verður undir at byggja kampus á Frælsinum?
2. Hvussu nógv verður eitt kampus á Frælsinum mett at kosta at byggja?
3. Metir landsstýrismaðurin, at avsettu upphæddirnar á fíggjarlógini fyri ætlanina árini 2023
og 2024 eru nøktandi?
Svar
Til 1: Enn er ikki greitt, nær farið verður undir at byggja kampus á Frælsinum. Kampusbólkurin
er í holt við at fyrireika eina arkitektakapping og við at skipa eina byggiskrá fyri økið. Eisini verður
arbeitt við at greiða ognarviðurskiftini hjá Tórshavnar kommunu og landsstýrinum á tilætlaða
økinum á Frælsinum.
Til 2: Samlaði kostnaðurin á kampus er enn ikki greiður, tí vit eru ov tíðliga í tilgongdini til at
kunna gera eina samlaða kostnaðarmeting. Tó kann sigast, at ætlanin er at byggja kampus í fleiri
stigum, soleiðis at kostnaðurin at byggja verður uppdeildur, sum er ein roynd at halda kostnaðinum
fyri byggiverkætlanirnar niðri. Somuleiðis kann sigast, at við yvirtøkuni av økinum á Frælsinum,
fylgir Venjingarskúlin við, sum Fróðskaparsetrið betri kann húsast í, eftir at landið hevur yvirtikið
skúlan.
Fyri at Venjingarskúlin skal kunna húsa Fróðskaparsetrinum, krevjast ábøtur á skúlan, sum
leysliga eru mettar at kosta kr. 144 mió., spjatt yvir eitt 6 ára tíðarskeið, fyri at umvæla allan skúlan.
Verður hetta gjørt, verður Venjingarskúlin partur av einum komandi kampus, og leiguútreiðslur,
sum Fróðskaparsetrið hevur í dag, verða spardar, har hesar sparingar skulu mótroknast í
áðurnevnda kostnaði.
Til 3: Av tí at ætlanirnar enn eru komnar ov stutt, og kostnaðarmeting tí enn ikki fyriliggur, er ov
tíðliga at siga, um merktu upphæddir á løgtingsfíggjarlógini eru nøktandi.

-- 1 of 2 --

U T T A N R Í K I S - O G M E N T A M Á L A R Á Ð I Ð
Tinghúsvegur 5-7 • Postrúm 3279 • FO-110 Tórshavn
 +298 30 65 00 •  ummr@ummr.fo • www.ummr.fo Page 2 of 2
Vinarliga
Jenis av Rana
landsstýrismaður

-- 2 of 2 --

Skrivligur fyrispurningur
eftir § 52a í Tingskipanini
Spyrjari: Annika Olsen, løgtingsmaður
Svarari: Jenis av Rana, landsstýrismaður í uttanríkis- og mentamálum
Evni: Fróðskaparsetrið og kampusætlan
Spurningar:
1. Nær kann væntast, at farið verður undir at byggja kampus á Frælsinum?
2. Hvussu nógv verður eitt kampus á Frælsinum mett at kosta at byggja?
3. Metir landsstýrismaðurin, at avsettu upphæddirnar á fíggjarlógini fyri
ætlanarárini 2023 og 2024 eru nøktandi?
Viðmerkingar:
Samstarvsavtala er gjørd millum Mentamálaráðið og Tórshavnar kommunu um at
staðseta eitt komandi kampus ímillum J.C. Svabosgøtu og Frælsið í Havn.
Samstarvsavtalan fevnir um bygningarnar á Frælsinum og um broytingar í
byggisamtyktum. Hetta síðsta er eitt arbeiði, sum Tórshavnar kommuna skal standa
fyri.
Um dagarnar frættist eisini, at ein arkitektakapping skal gerast um eitt kampus á
Fræsinum, umframt at ein byggiskrá skal gerast. Tað er landið, sum stendur fyri
hesum arbeiði, og eru 5 mió. kr. játtaðar til hetta arbeiðið á fíggjarlógini fyri 2022,
meðan ávikavist 12 mió. kr. og 32 mió. kr. eru settar á fyri ætlanarárini 2023 og 2024.
Tað sum er áhugavert at vita er, um tað veruliga arbeiðið kann fara í gongd í 2023 og
um nøktandi peningur verður settur av til hesa bygging á fíggjarlógini. Tí verða hesir
spurningar settir landsstýrismanninum.
Á Løgtingi, 26. apríl 2022
Annika Olsen

-- 1 of 1 --