52-168/2021

ALMANNAMÁLARÁÐIÐ
Eirargarður 2 • FO-100 Tórshavn
Tel: +298 304000 • E-mail: amr@amr.fo
Løgtingið
Tinghúsvegur 1-3Postboks 208
110 Tórshavn
26. apríl 2022
Mál: 22/07430-4
Tygara Skriv:
Viðgjørt:
Nr. 52-168/2021
Svar upp á § 52a fyrispurning nr. 52-168/2021 frá Sirið Stenberg, løgtingsmanni, settur
landsstýrismanninum í almannamálum Sólvit E. Nolsø, um sparingar í
Almannaverkinum
Fyrispurningurin ljóðar soleiðis:
1. Hvussu nógvar borgarar fara sparingarnar í Almannaverkinum at raka? Biðið verður
um tøl fyri ymisku tænasturnar so sum umlætting, stuðul og hvussu nógv fólk fáa
skert tænastustøði.
2. Kann landstýrismaðurin upplýsa, hvussu ymisku bíðilistarnir til tænastu í
Almannaverkinum síggja út, býtt á tal á fólki til ymisku bíðilistarnar?
3. Fara skerjingarnar í tænastustøðinum at standa við, hóast eykajáttanarumbønin, sum
liggur í Fíggjarnevndini, verður samtykt?
4. Metir landsstýrismaðurin, at tað ber til at gera sparingar í Almannaverkinum soleiðis,
at tær ikki raka tænastuna til borgaran við serligum tørvi?
Til nr. 1
Sambært Almannaverkinum, ber ikki til at svara hesum spurningi ítøkiliga, tí Almannaverkið
arbeiðir áhaldandi við at tryggja, at sparingarnar koma at raka so fáar borgarar sum yvirhøvur
møguligt, og tænasturnar minka so lítið sum møguligt. Viðmerkjast kann, at Almannaverkið
hevur verið alment frammi og tosað um, at møguliga er talan um 50 – 100 brúkarar.
Til nr. 2
Niðanfyri er bíðilistin frá síðst í mars 2022. Viðmerkjast skal, at sami borgari kann koma fyri
fleiri ferðir, í teimum førum hann hevur søkt um fleiri ymiskar tænastur.

-- 1 of 2 --

ALMANNAMÁLARÁÐIÐ
síða 2 av 2
Tænasta Tal
§ 46 Vardur bústaður
Sambýli 84
Búfelagsskapur 77
Røktarbústaður 4
§ 45 Fyribils bústaður
bústovnur/viðgerðarstovnur 23
stovnslíknandi fyriskipan 1
§ 35 Stuðulstænasta
námsfrøðilig leiðbeining 39
vøka og hjávera 3
§ 41 Umlætting
samdøgursumlætting 47
§ 40 Virknistænasta frá 10 ár
Frítíðartilboð 32
vardur verkstaður 8
Íalt 318
Til nr. 3
Eykajáttanarumbønin til Trivnaðartænastur, ið er til viðgerðar í Løgtinginum, fevnir um
nøkur ítøkilig mál og ikki um nevndu skerjingar, sum fevna um tænastur til aðrar borgarar
innanfyri Trivnaðartænasturnar.
Biðið verður um 6 mió. kr. til tvær einstaklingafyriskipanir, tvey børn við ávísari sjúku og
eina nýggja fyriskipan, sum er bráðfeingis.
Harumframt verður biðið um umleið 7,3 mió. kr. vegna meirútreiðslur í sambandi við
COVID-19 og 0,5 mió. kr. vegna hækking í oljuprísum.
Til nr. 4
Sparingar eru gjørdar, sum ikki raka tænastuna beinleiðis. Í mun til fíggjarætlanina er talan
um eina munandi skerjing í viðlíkahaldi og í rakstrargøgnum so sum bilum. Harumframt
verður skert nógv í førleikamenningini av starvsfólkum. Hesar sparingarnar hava tó við sær
økt slit av bygningum og rakstrargøgnum. Vantandi førleikamenning av starvsfólki fer við
tíðini at ávirka tænastustigið til tað verra, umframt at skapa verri trivnað hjá starvsfólkunum.
Almannamálaráðið, 26. april 2022
Sólvit E. Nolsø
landsstýrismaður

-- 2 of 2 --

Skrivligur fyrispurningur
eftir § 52 a í Tingskipanini
Spyrjari: Sirið Stenberg, løgtingsmaður
Svarari: Sólvit Nolsø, landsstýrismaður í almannamálum
Evni: Sparingar í Almannaverkinum
Spurningar:
1. Hvussu nógvar borgarar fara sparingarnar í Almannaverkinum at raka? Biðið
verður um tøl fyri ymisku tænasturnar so sum umlætting, stuðul og hvussu
nógv fólk fáa skert tænastustøði.
2. Kann landsstýrismaðurin upplýsa, hvussu ymisku bíðilistarnir til tænastur í
Almannaverkinum síggja út, býtt á tal á fólki til ymisku bíðilistarnar?
3. Fara skerjingarnar í tænastustøðinum at standa við, hóast
eykajáttanarumbønin, sum liggur í Fíggjarnevndini, verður samtykt?
4. Metir landsstýrismaðurin, at tað ber til at gera sparingar í Almannaverkinum
soleiðis, at tær ikki raka tænastuna til borgaran við serligum tørvi?
Viðmerkingar:
Fyrr í vikuni fekk eg svar frá landsstýrismanninum um, at sparingar verða framdar í
Almannaverkinum. Hetta fer m.a. at raka fólk við serligum tørvi meint, tí at
umlætting verður skerd, stuðulstænastan verður skerd, og tænastustøðið lækkar sum
heild. Orsøkin er, at játtanin fyri 2022 bleiv skerd í fíggjarlógini fyri jól.
Tó sigur svarið m.a. onki um, hvussu nógv fólk verða rakt av sparingunum. Tí hesar
uppfylgjandi spurningar til landsstýrismannin.
Spurningurin er eisini, um tað ber til at gera sparingar aðrastaðni í Almannaverkinum
soleiðis, at tænasturnar til fólk við serligum tørvi ikki verða raktar. Í hesum sambandi
er neyðugt at kenna tænastustøðið og bíðilistar í løtuni.
Í løtuni er ein umbøn um eykajáttan í Fíggjarnevndini. Tí er neyðugt at vita, um
sparingarnar fara at standa við, hóast eykajáttanin verður veitt.
Á Løgtingi, 8. apríl 2022
Sirið Stenberg

-- 1 of 1 --