52-151/2021

ALMANNAMÁLARÁÐIÐ
Eirargarður 2 • FO-100 Tórshavn
Tel: +298 304000 • Fax: +298 304045 • E-mail: amr@amr.fo
Løgtingið
Tinghúsvegur 1-3
110 Tórshavn
1. apríl 2022
Mál: 22/06130
Tygara Skriv:
Viðgjørt: Barbara Álvsdóttir
Thomsen
Nr. 52-151/2021
Svar upp á § 52a fyrispurning nr. 52- 151/2021 frá Eyðgun Samuelsen, løgtingsmanni,
settur landsstýrismanninum í almannamálum Sólvit E. Nolsø, um talsfólk á
brekøkinum
Fyrispurningurin ljóðar soleiðis:
1. Arbeiðir landsstýrismaðurin við at seta eitt talsfólk á brekpolitiska økinum?
2. Um so er, nær kann væntast, at klárt er at seta talsfólkið?
3. Hvar verður talsfólkið staðsett?
Til nr. 1 og 2
Ætlanin er at fara undir arbeiðið at fáa eitt talsfólk til brekpolitiska økið. Landsstýrismaðurin
hevur sett hetta á skrá til komandi tingsetu.
Áðrenn gongd er komin á arbeiðið við at fáa eitt brektalsfólk er tað ikki møguligt neyvt at
siga, nær eitt talsfólk er klárt at seta, men landsstýrismaðurin hevur góðar vónir um, at hetta
verður í 2023.
Til nr. 3
Tað ber ikki til hjá landsstýrismanninum at siga nakað um, hvar talsfólkið verður staðsett
áðrenn farið er undir arbeiðið.
Almannamálaráðið 1. apríl 2022
Sólvit E. Nolsø
landsstýrismaður

-- 1 of 1 --

Munnligur fyrispurningur
eftir § 52a í Tingskipanini
Spyrjari: Eyðgunn Samuelsen, løgtingsmaður
Svarari: Sólvit E. Nolsø, landsstýrismaður í almannamálum
Evni: Talsfólk á brekøkinum
Spurningar:
1. Arbeiðir landsstýrismaðurin við at seta eitt talsfólk á brekpolitiska økinum?
2. Um so er, nær kann væntast, at klárt er at seta talsfólkið?
3. Hvar verður talsfólkið staðsett?
Viðmerkingar:
Tað eru nú fleiri ár síðan, at MEGD ynskti, at eitt talsfólk verður sett at umboða
borgarar, ið bera brek. MEGD hevur áhaldandi víst á, at okkum tørvar ein
mannarættindastovn í Føroyum, ið kann hava eftirlit við ST-sáttmálanum um rættindi
teirra, ið bera brek. Fyrsta stig er at seta eitt talsfólk á brekøkinum.
Vit hava m.a. lógina um almannatrygd og tænastur, ið tekur støði í prinsippunum í
breksáttmálanum um sjálvsavgerðarrættin. Henda lógin er farin at virka, og tí er tað
eisini tiltrongt at fáa sett talsfólkið. Talsfólkið kann vísa á manglar og rættindi hjá
fólkum, ið bera brek, og harvið gera vart við, hvørjar tænastur mangla.
Samgonguskjalið hjá hesari samgonguni hevur ásetingar um hetta, men ivi hevur
verið um, hvar uppgávan liggur og hjá hvørjum landsstýrisfólki. Í fjør var uppgávan
staðsett hjá landsstýrisfólkinum í almannamálum.
Tað hevur stóran týdning, at talsfólkið er óheft av útinnandi myndugleikanum.
Fyri at fáa staðfest, hvussu langt hetta málið er komið, og nær talsfólkið verður sett,
verða hesir spurningar settir.
Á Løgtingi, 22. mars 2022
Eyðgunn Samuelsen

-- 1 of 1 --