52-150/2021

ALMANNAMÁLARÁÐIÐ
Eirargarður 2 • FO-100 Tórshavn
Tel: +298 304000 • Fax: +298 304045 • E-mail: amr@amr.fo
Løgtingið
Tinghúsvegur 1-3
110 Tórshavn
4. apríl 2022
Mál: 22/06154-6
Tygara Skriv:
Viðgjørt:
Nr. 52-150/2021
Svar upp á § 52a fyrispurning nr. 52-150/2021 frá Sirið Stenberg, løgtingsmanni, settur
landsstýrismanninum í almannamálum Sólvit E. Nolsø, um møguligar sparingar í
Almannaverkinum
Fyrispurningurin ljóðar soleiðis:
1. Er Almannaverkið í holt við at fremja sparingar ?
2. Um ja hvørjar?
3. Hvørja ávirkan hevur tað á virksemið í Almannaverkinum, at játtanin til
Trivnaðartænastur varð skorin á fíggjarlógini við meira enn 5 milliónum kr.?
Til nr. 1
Trivnaðartænastan í Almannaverkinum er undir stórum trýsti, og tí er Almannaverkið í holt
við at fremja sparingar í virkseminum. Hetta er neyðugt bæði í samband við at fáa sum mest
burturúr játtanini og at gagnnýta starvsfólkaorkuna. Biðið er um eykajáttan til at umgangast at
gera aðrar sparingar, sum hava stóra ávirkan á tænastuna.
Til nr. 2
Arbeitt verður við at lata eitt sambýli aftur, har borgararnir verða fluttir í annan bústað.
Umframt at meira fæst fyri minni við hesi avgerð, so er endamálið eisini at veita eina betri
tænastu til húsfólkið, ið flytur. Eins og undanfarin ár verður umlættingin avmarkað í
summarferiuni. Harumframt metir Almannaverkið, at tað er neyðugt at skerja umlættingina
yvirhøvur. Hetta er ein liður í at fáa eina javnari tænastu um alt landið, men harumframt er
tíverri eisini neyðugt at lækka tænastustigið nakað.
Stuðulstænastan verður endurskoðað, við tí endamáli at fáa sum mest burturúr játtanini.
Roynt verður at minka um útreiðslur til annan rakstur so sum viðlíkahald til bygningar, har
virksemið hjá Trivnaðartænastum er.

-- 1 of 2 --

ALMANNAMÁLARÁÐIÐ
síða 2 av 2
Til nr. 3
Tað hevur stóra ávirkan, og tí er í uppskoti til eykajáttan, sum júst er latið Løgtinginum, biðið
um hægri játtan til endamálið. Orsakað av, at verandi virksemi er vorðið dýrari enn mett var í
fíggjarlógarviðgerðini, er stórur partur av eykajáttanini til verandi brúkara í skipanini, soleiðis
at tað verður lítið rúm fyri at taka nýggjar brúkarar inn í skipanina, uttan at hetta ávirkar
tænastustigið munandi.
Almannamálaráðið, 4. apríl 2022
Sólvit E. Nolsø
landsstýrismaður

-- 2 of 2 --

Munnligur fyrispurningur
eftir § 52a í Tingskipanini
Spyrjari: Sirið Stenberg
Svarari: Sólvit Nolsøe, landsstýrismaður í almannamálum
Evni: Møguligar sparingar í Almannaverkinum
Spurningar:
1. Er Almannaverkið í holt við at fremja sparingar ?
2. Um ja hvørjar?
3. Hvørja ávirkan hevur tað á virksemið í Almannaverkinum, at játtanin til
Trivnaðartænastur varð skorin á fíggjarlógini við meira enn 5 milliónum kr?
Viðmerkingar:
Í fíggjarlógini fyri 2022 varð ein sparing upp á góðar 5 milliónir kr. gjørd á
Trivnaðartænastum í Almannaverkinum. Enn hava vit ikki frætt, hvussu tað ber til at
spara hesa upphædd, men neyvan slepst undan at gera sparingar og tillagingar tá ið so
stór upphædd skal finnast á einum øki, sum frammanundan er spert.
Tí hesir spurningar til landsstýrismannin, so Løgtingið fær upplýst, hvørjar
avleiðingar tað hevur fyri virksemið, at játtanin varð skerd.
Á Løgtingi, 22. mars 2022
Sirið Stenberg

-- 1 of 1 --