52-149/2021

U T T A N R Í K I S - O G M E N T A M Á L A R Á Ð I Ð
Tinghúsvegur 5-7 • Postrúm 3279 • FO-110 Tórshavn
 +298 30 65 00 •  ummr@ummr.fo • www.ummr.fo
Løgtingið
Tinghúsvegur 1-3
Postboks 208
110 Tórshavn
Dagfesting: 24. mars 2022
Tygara ref.:
Máltal.: 21/08503-22
Svar
upp á
skrivligan § 52a fyrispurning nr. 52-149/2021 frá Bjarna Kárason Petersen, løgtingsmanni,
um kampusætlanina, settur Jenisi av Rana, landsstýrismanni.
Fyrispurningurin er soljóðandi:
1. Hvørjar ætlanir hevur landsstýrismaðurin í mun til ætlanina um eitt savnað kampusøki í
samsvari við kampusætlanina frá 2018?
2. Er landsstýrismaðurin í ferð við at seta í verk kampusætlanina frá 2018?
3. Nær kunnu vit vænta eitt liðugt kampusøki?
Svar
Til 1 og 2: Kampusbólkurin er farin undir at fyrireika eina arkitektakapping fyri eitt
universitetskampus, sum tekur støði í kampusætlanini frá 2018. Arkitektakappingin er um ein
høvuðsbygning, sum skal verða miðsavnandi fyri alt Fróðskaparsetrið, og um, hvussu alt økið
endaliga skal skipast.
Bólkurin viðger í løtuni, um skilabest er at gera hetta til tvær serstakar kappingar, ella um
arkitektakappingin skal fevna um bæði høvuðsbygning og um skipanina av økinum, alt um somu
leið.
Á Løgtingsfíggjarlógini 2022 eru 5 mió. settar av til hetta arbeiði.
Somuleiðis eru samráðingar í gongd við Tórshavnar kommunu, sum eigur part av matriklinum á
Venjingarskúlanum, har kampusøkið ætlandi skal verða. Gongd er eisini í hesum málinum.
Til 3: Tað er ilt at siga, nær kampusøkið endaliga stendur liðugt, tí at ætlanin er at byggja
kampusøkið í stigum. Fyrsta stig í hesum sambandi er at yvirtaka og síðan at seta í stand
Venjingarskúlan, so at fleiri partar av Fróðskaparsetri Føroya kunnu húsast í sama bygningi.
Harnæst verður farið undir at byggja.
Arkitektakappingin verður væntandi útskrivað í ár.
Jenis av Rana
landstýrismaður

-- 1 of 1 --

Munnligur fyrispurningur
eftir § 52a í Tingskipanini
Spyrjari: Bjarni Kárason Petersen, løgtingsmaður
Svarari: Jenis av Rana, landsstýrismaður í uttanríkis- og mentamálum
Evni: Kampusætlan
Spurningar:
1. Hvørjar ætlanir hevur landsstýrismaðurin í mun til ætlanina um eitt savnað
kampusøki í samsvari við kampusætlanina frá 2018?
2. Er landsstýrismaðurin í ferð við at seta í verk kampusætlanina frá 2018?
3. Nær kunnu vit vænta eitt liðugt kampusøki?
Viðmerkingar:
Í desember 2018 varð ein strategisk kampusætlan gjørd, og varð handað
Mentamálaráðnum í februar 2019.
Kampusætlanin tekur hædd fyri bæði verandi og framtíðar tørvi hjá útbúgvingar- og
granskingarøkinum í Føroyum, og fyri at røkka málinum um at menna eitt altjóða
kappingarført Fróðskaparsetur, er neyðugt at savna alt virksemi í eitt øki.
Strategiska kampusætlanin er ein liður í tilgongdini at fáa eitt tíðarhóskandi
undirvísingar- og granskingarumhvørvi. Kampusøkið skal eftir ætlan vera ein
savnandi miðdepil fyri lesandi, undirvísarar og granskarar í Føroyum.
Á Løgtingi, 22. mars 2022
Bjarni Kárason Petersen

-- 1 of 1 --