52-145/2021

F Í G G J A R M Á L A RÁ Ð I Ð
Ministry of Finance
Tinganes • Box 2039 • FO-110 Tórshavn
 (+298) 35 20 20 •  fmr@fmr.fo • www.fmr.fo
Løgtingið
Tinghúsvegur 1-3
Postboks 208
110 Tórshavn
Tórshavn, tann: 25. mars 2022
J. nr.: 22/06285
Viðgjørt: AE
Svar til fyrispurning nr. 52-145/2021 frá Steffan Klein Poulsen, løgtingsmanni, settur
landsstýrismanninum í fíggjarmálum, Una Rasmussen, um asfaltering við atløgubryggjuna í
Hvannasundi
Fyrispurningurin er soljóðandi:
1. Nær verður byrjað at asfaltera við atløgubryggjuna í Hvannasundi?
2. Verða parkeringsbásar eisini gjørdir í hesum sambandi?
3. Væntar landsstýrismaðurin, at ásetta upphædd røkkur til arbeiðið?
Svar
Umstøðurnar skulu verða góðar hjá ferðandi í Føroyum, harímillum eisini parkeringsviðurskifti.
Tað eru játtaðar 500 tús. kr. til at asfaltera og merkja upp eitt øki, sum er innanvert atløgubryggjuna í
Hvannasundi, har Ritan leggur at. Økið verður brúkt til parkering í sambandi við siglingina hjá
Oyggjaleiðum millum Hvannasund, Svínoy og Fugloy.
Landsverk hevur gjørt avtalu við asfaltsveitara um at asfaltera økið, og skal arbeiðið sambært ætlan
verða liðugt tíðliga í summar. Landsverk merkir parkeringsbásar, tá liðugt er at asfaltera. Tað kunnu
koma seinkingar fyri.
Játtanin á fíggjarlógini røkkur til at asfaltera og at strika básarnar. Landsverk og Hvannasunds
kommuna hava avtalað, at kommunan ger og rindar ein part av fyrireikingararbeiðinum, soleiðis at
øll verkætlanin er fíggjað.
Tinganes, 25. mars 2022
Uni Rasmussen
Landsstýrismaður í fíggjarmálum

-- 1 of 1 --

Skrivligur fyrispurningur
eftir § 52a í Tingskipanini
Spyrjari: Steffan Klein Poulsen, løgtingsmaður
Svarari: Uni Rasmussen, landsstýrismaður í fíggjarmálum
Evni: Asfaltering við atløgubryggjuna í Hvannasundi
Spurningar:
1. Nær verður byrjað at asfaltera við atløgubryggjuna í Hvannasundi?
2. Verða parkeringsbásar eisini gjørdir í hesum sambandi?
3. Væntar landsstýrismaðurin, at ásetta upphædd røkkur til arbeiðið?
Viðmerkingar:
Fíggjarnevndin setti 500 tús. kr. av á fíggjarlógini til asfaltering við atløgubryggjuna í
Hvannasundi. Hetta økið verður brúkt til parkering hjá fólki, sum fara til Svínoyar og
Fugloyar. Onkrar árstíðir standa rættiliga nógvir bilar parkeraðir har og oftani uttan skil
orsakað av manglandi parkeringsbásum (linjum). Í eitt nú páskahøgtíðini er tiltikið, at
nógv fólk fara til áðurnevndu útoyggjar, og tá standa bilarnir parkeraðir sum sild í
tunnu. Asfaltering og parkeringsbásar kundu óivað bøtt nógv um hetta.
Á Løgtingi, 15. mars 2022
Steffan Klein Poulsen

-- 1 of 1 --