52-144/2021

U T T A N R Í K I S - O G M E N T A M Á L A R Á Ð I Ð
Tinghúsvegur 5-7 • Postrúm 3279 • FO-110 Tórshavn
 +298 30 65 00 •  ummr@ummr.fo • www.ummr.fo
Løgtingið
Tinghúsvegur 1-3
Postboks 208
110 Tórshavn
Dagfesting: 23. mars 2022
Tygara ref.:
Máltal.: 21/08502-86
Svar
upp á
skrivligan § 52a fyrispurning nr. 52-144/2021 frá Johan Dahl, løgtingsmanni, um politisku
avgerðina um uppsetan av eftirlitsradara, settur Jenis av Rana, landsstýrismanni í
uttanríkis- og mentamálum.
Fyrispurningurin er soljóðandi:
1. Nær fer landsstýrismaðurin at taka endaligu politisku avgerðina um at loyva donskum
myndugleikum at seta upp ein eftirlitsradara í Føroyum?
Svar
Til 1: Avgerðin um at seta upp lofteftirlitsradara í Føroyum verður væntandi tikin fyri
summarfrítíðina.
Tá ið fyrispurningurin kom frá donsku stjórnini um at seta upp lofteftirlitsradara í Føroyum, byrjaði
ein tilgongd, sum millum annað hevur fevnt um fleiri ráðførslur í Løgtingsins uttanlandsnevnd,
viðgerð í landsstýrinum, fundir millum landsstýrismannin í uttanríkis- og mentamálum og danska
verjumálaráðharran og skipað samskifti á embætismannastigi millum føroyskar og danskar
myndugleikar.
Tað hevur frá byrjan verið umráðandi, at málið verður viðgjørt væl og virðiliga, og nóg mikið av
tíð er sett av til hesa tilgongd.
Vinarliga
Jenis av Rana
landsstýrismaður

-- 1 of 1 --

Skrivligur fyrispurningur
eftir § 52a í Tingskipanini
Spyrjari: Johan Dahl, løgtingsmaður
Svarari: Jenis av Rana, landsstýrismaður í uttanríkis- og mentamálum
Evni: Politiska avgerðin um uppsetan av eftirlitsradara
Spurningar:
1. Nær fer landsstýrismaðurin at taka endaligu politisku avgerðina um at loyva donskum
myndugleikum at seta upp ein eftirlitsradara í Føroyum?
Viðmerkingar:
Tað er í longri tíð farin fram ein drúgv politisk viðgerð av umbønini frá donskum myndugleikum
um loyvi at seta upp ein eftirlitsradara í Føroyum.
Málið tók seg upp fyrst í 2021 og er viðgjørt síðan líka fram til í dag, hóast málið eftir ætlan
skuldi verið avgreitt longu í seinnu helvt av 2021.
Tað, sum í løtuni er óheppið er, at málið tykist at vera blivið meira ella minni ein politisk
kastibløka, og óvissa valdar um, hvat veruliga hendir í hesum málinum.
Tað er landsstýrismaðurin í uttanríkis- og mentamálum, sum skal taka endaligu politisku
avgerðina, eftir ráðførslu við Uttanlandsnevndina hjá Løgtinginum, og boða donskum
myndugleikum frá henni.
Radaramálið hevur stóran almennan týdning fyri og áhuga millum føroyingar. Tí verður hesin
fyrispurningur settur.
Á Løgtingi, 11. mars 2022
Johan Dahl

-- 1 of 1 --