52-107/2021

Dagf. 17. desember 2021
HMR J. nr. 21/26723-4
Kaj Leo Holm Johannesen
landsstýrismaður
Spurningurin var soljóðandi:
1. Nær verður verklagslógin fyri læknahúsini (Gula húsið) løgd fyri Løgtingið?
2. Hvørjar forðingar eru fyri, at lógin kann leggjast fyri Løgtingið?
3. Nær kann væntast, at arbeiðið at dagføra læknahúsini byrjar?
4. Nær verður starvsfólkabygningurin dagførdur?
Svar:
Til spurning 1
Eftir ætlan verður verklagslógin løgd fyri Løgtingið fyrst í komandi ári.
Til spurning 2
Mett verður ikki, at tað eru forðingar fyri, at lógaruppskotið kann verða lagt fyri tingið.
Til spurning 3
Í byrjanini í 2022 væntast arbeiðið at verða boðið út. Tá ið verklagslógin er samtykt, kann arbeiðið
fara í gongd. Játtan er tøk til endamálið.
Til spurning 4
Arbeiðið við starvsfólkabygninginum er ikki komið so langt ávegis enn. Her er fyrsta stigið at
viðgera hugskot til m.a. innrætting.
Heilsumálaráðið, 17. desember 2021
Kaj Leo Holm Johannesen
landsstýrismaður

-- 1 of 1 --

Skrivligur fyrispurningur
eftir § 52a í Tingskipanini
Spyrjari: Eyðgunn Samuelsen, løgtingsmaður
Svarari: Kaj Leo Holm Johannesen, landsstýrismaður í heilsumálum
Evni: Læknahúsini (Gula húsið)
Spurningar:
1. Nær verður verklagslógin fyri læknahúsini (Gula húsið) løgd fyri Løgtingið?
2. Hvørjar forðingar eru fyri, at lógin kann leggjast fyri Løgtingið?
3. Nær kann væntast, at arbeiðið at dagføra læknahúsini byrjar?
4. Nær verður starvsfólkabygningurin dagførdur?
Viðmerkingar:
Klaksvíkar Sjúkrahús og Landsverk hava gjørt eina ætlan um at dagføra gomlu
læknahúsini, soleiðis at umsitingin kann flyta úr starvsfólkabygninginum og í gula
hús. Samstundis verður arbeitt við uppskoti um, hvussu starvsfólkabygningurin kann
verða innrættaður.
Tað er stórur tørvur á, at fólk kunnu búgva nærhendis sjúkrahúsinum, meðan tey eru
til venjingar. Herfyri frættist, at tey, ið higartil hava gist í starvsfólkabygninginum,
meðan tey hava fingið endurvenjing, ikki hava henda møguleika í løtuni orsakað av
soppi í bygninginum og tí ikki fingu alneyðugu endurvenjingina.
Sostatt hevur tað stóran skund at fáa bæði verklagslóg fyri gulu húsini samtykta og at
fáa sett ferð á innrætting av starvsfólkabygninginum, so avbygdafólk aftur kunnu
koma til endurvenjingar og gista.
Á Løgtingi, 16. desember 2021
Eyðgunn Samuelsen

-- 1 of 1 --